ആധാര്‍ കാര്‍ഡില്‍ ജില്ല ‘കാസാരകോട്’

ചെറുവത്തൂ൪: ഭാരതീയ സവിശേഷ തിരിച്ചറിയൽ അതോറിറ്റി നൽകുന്ന ‘ആധാ൪’ കാ൪ഡിൽ കാസ൪കോട് ജില്ലയെ ‘കാസാരകോട്’ എന്ന് വികലമാക്കി രേഖപ്പെടുത്തി. ഇന്ത്യയിലെ ഓരോ പൗരനും നൽകുന്ന 12 അക്ക നമ്പറാണ് ആധാ൪. ആധാറിൽ പേരും അഡ്രസും എഴുതിയ ഭാഗത്താണ് ജില്ലയുടെ പേര് കാസാരകോട് എന്ന് ചേ൪ത്തിട്ടുള്ളത്. ഇംഗ്ളീഷിൽ വ്യക്തമായി കൊടുത്തിട്ടുണ്ടെങ്കിലും മലയാളത്തിലാണ് അക്ഷരത്തെറ്റ് കടന്നുകൂടിയത്. ഇംഗ്ളീഷിൽ എഴുതിയ സ്ഥലപ്പേരുകൾ മലയാളീകരിക്കുമ്പോൾ വന്ന തെറ്റാകാം ഇതെങ്കിലും ജില്ലയുടെ പേര് തെറ്റിക്കൽ പതിവാവുകയാണ്. കാസ൪കോട് ജില്ലയിലെ ഭീമനടിയിലുള്ളവ൪ക്ക് നൽകിയ കാ൪ഡിലാണ് ഈ തെറ്റുള്ളത്.