ബുഷ് യുദ്ധക്കുറ്റവാളിയെന്ന് മലേഷ്യന്‍ ട്രൈബ്യൂണല്‍

ക്വാലാലംപു൪: ഇറാഖിലും അഫ്ഗാനിസ്താനിലും ആക്രമണമഴിച്ചുവിട്ട മുൻ യു.എസ് പ്രസിഡന്റ് ജോ൪ജ് ബുഷിനെ മലേഷ്യൻ ട്രൈബ്യൂണൽ യുദ്ധക്കുറ്റവാളിയായി പ്രഖ്യാപിച്ചു. ഇറാഖിലെയും ഗ്വണ്ടാനമോയിലെയും തടങ്കൽ പാളയങ്ങളിലെ അന്തേവാസികളിൽനിന്ന് ലഭിച്ച മൊഴികളെ ആധാരമാക്കിയാണ് ട്രൈബ്യൂണൽ ബുഷിനെ കുറ്റക്കാരനായി കണ്ടെത്തിയത്. ബുഷിന്റെ ഭരണകാലത്തെ പ്രതിരോധമന്ത്രി ഡൊണാൾഡ് റംസ്ഫെൽഡ്, വൈസ് പ്രസിഡന്റ് ഡിക്ചെനി, മുൻ ബ്രിട്ടീഷ് പ്രധാനമന്ത്രി ടോണി ബ്ലയ൪ തുടങ്ങിയവരും യുദ്ധക്കുറ്റങ്ങൾ നടത്തിയതായി ട്രൈബ്യൂണൽ ഐകകണ്ഠ്യേന വിധിച്ചു. മലേഷ്യൻ മുൻ പ്രധാനമന്ത്രി മഹാതീ൪ മുഹമ്മദിന്റെ നേതൃത്വത്തിൽ പ്രവ൪ത്തിക്കുന്ന പ്രതീകാത്മക വേദിയാണ് ഈ ട്രൈബ്യൂണൽ.