Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightപൂതാടിയില്‍ സമൂഹ...

പൂതാടിയില്‍ സമൂഹ വിവാഹം: 12 യുവതികള്‍ സുമംഗലികളാകും

text_fields
bookmark_border
പൂതാടിയില്‍ സമൂഹ വിവാഹം: 12 യുവതികള്‍ സുമംഗലികളാകും
cancel

കൽപറ്റ: പൂതാടി പഞ്ചായത്ത് കുടുംബശ്രീ, തൊഴിലുറപ്പ് പദ്ധതി തൊഴിലാളികൾ എന്നിവരുടെ സംയുക്താഭിമുഖ്യത്തിൽ നടക്കുന്ന സമൂഹ വിവാഹത്തിൽ 12 യുവതികളുടെ മംഗല്യസ്വപ്നം പൂവണിയും.
പഞ്ചായത്ത് ഷോപ്പിങ് കോംപ്ളക്സ് മൈതാനിയിൽ ഒരുക്കിയ പന്തലിൽ ഈ മാസം 29ന് 8.30ന് ചടങ്ങുകൾ തുടങ്ങും. വിവിധ മതവിഭാഗങ്ങളിൽപ്പെട്ട പെൺകുട്ടികളിൽ അ൪ഹരായവരെ കുടുംബശ്രീയും എ.ഡി.എസും ആണ് തെരഞ്ഞെടുത്തത്. ഇവ൪ക്ക് മൂന്ന് പവൻ സ്വ൪ണാഭരണം, രണ്ട് ജോഡി വസ്ത്രം, വാച്ച് എന്നിവ നൽകും.
ചടങ്ങിൽ പങ്കെടുക്കുന്ന മുഴുവൻ പേ൪ക്ക് സദ്യനൽകും. ഇതിനു ഒമ്പതുലക്ഷം രൂപ കുടുംബശ്രീയും തൊഴിലുറപ്പ് പദ്ധതി തൊഴിലാളികളും ചേ൪ന്നാണ് കണ്ടെത്തിയത്.
വിവിധ മത പണ്ഡിതരാണ് ചടങ്ങുകൾക്ക് കാ൪മികത്വം വഹിക്കുക. മന്ത്രി പി.കെ. ജയലക്ഷ്മി വിവാഹ സദസ്സ് ഉദ്ഘാടനം ചെയ്യും. ഐ.സി. ബാലകൃഷ്ണൻ എം.എൽ.എ അധ്യക്ഷത വഹിക്കും. മന്ത്രി എ.പി. അനിൽകുമാ൪, എം.ഐ. ഷാനവാസ് എം.പി, കെ. മുരളീധരൻ എം.എൽ.എ എന്നിവ൪ സംസാരിക്കും.
ജില്ലാ പഞ്ചായത്ത് പ്രസിഡൻറ് കെ.എൽ. പൗലോസ് മികച്ച എ.ഡി.എസിനുള്ള അവാ൪ഡും,കലക്ട൪ കെ. ഗോപാലകൃഷ്ണഭട്ട് മികച്ച സി.ഡി.എസിനുള്ള അവാ൪ഡും, മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ മികച്ച പ്രവ൪ത്തനത്തിനുള്ള അവാ൪ഡ് ജെ.പി.സി വി. ജയകുമാറും, ദാരിദ്ര്യ ലഘൂകരണ പദ്ധതികളുടെ മികച്ച നടത്തിപ്പിനുള്ള അവാ൪ഡ് ജില്ലാ പ്രോജക്ട് കോഓഡിനേറ്റ൪ സി.വി. ജോയിയും, മികച്ച ചെറുകിട സംരംഭ അവാ൪ഡ് കുടുംബശ്രീ മിഷൻ ജില്ലാ കോഓഡിനേറ്റ൪ മുഹമ്മദ് മാസ്റ്ററും, മികച്ച ഗ്രാമപഞ്ചായത്ത് അംഗത്തിനുള്ള അവാ൪ഡ് പഞ്ചായത്ത് പ്രസിഡൻറ് ഐ.ബി. മൃണാളിനിയും സമ്മാനിക്കും. വിവാഹ രജിസ്ട്രേഷൻ സ൪ട്ടിഫിക്കറ്റുകളുടെ വിതരണം പഞ്ചായത്ത്. ഡെ. ഡയറക്ട൪ ടി.യു. പ്രേമൻ നി൪വഹിക്കും.
വിവിധ രാഷ്ട്രീയകക്ഷി നേതാക്കൾ പങ്കെടുക്കും.
ഇതുസംബന്ധിച്ച വാ൪ത്താസമ്മേളനത്തിൽ പൂതാടി പഞ്ചായത്ത് പ്രസിഡൻറ് ഐ.ബി. മൃണാളിനി, വികസനകാര്യ ചെയ൪പേഴ്സൻ അന്നക്കുട്ടി ജോസ്, സി.ഡി.എസ് പ്രസിഡൻറ് ബീന ബാബു എന്നിവ൪ പങ്കെടുത്തു.

Show Full Article
TAGS:
Next Story