കൊണ്ടല്‍ കൃഷിക്ക് വിനയായി മഴ

തുറവൂ൪: കനത്ത വേനലിൽ ആശ്വാസമായി എത്തിയ മഴ കൊണ്ടൽ കൃഷിക്ക് വിനയായി. തുട൪ച്ചയായി മൂന്നുദിവസം പെയ്ത മഴയാണ് കൃഷിക്കാരെ ആശങ്കയിലാക്കിയത്. കൊണ്ടൽ കൃഷിക്കാരിൽ ഭൂരിപക്ഷം പേരും പാടങ്ങളിലാണ് കൃഷി ചെയ്തിരുന്നത്. തുട൪ച്ചയായുള്ള മഴയിൽ കൃഷികൾ വെള്ളത്തിലായി.
കൃഷിഭവൻെറയോ മറ്റ് സ൪ക്കാ൪ സ്ഥാപനങ്ങളുടെയോ സഹായമൊന്നും ഇല്ലാതെയാണ് ഇവ൪ കൃഷിചെയ്തിരുന്നത്. പട്ടണക്കാട്, തുറവൂ൪ പഞ്ചായത്തുകളിൽ ഏറെയും കൊണ്ടൽ ക൪ഷകരാണ്.
മേനാശേരിയിലും തുറവൂ൪ പഞ്ചായത്തിൽ തിരുമലപാടത്തും പച്ചക്കറി വിളവെടുപ്പിന് വെള്ളരിയും മത്തങ്ങയും പാകമായി വരുന്നതെയുള്ളൂ. വിളവെടുപ്പിനുമുമ്പ് മഴയെത്തിയത് ക൪ഷക൪ക്ക് ആഘാതമായി. പല ക൪ഷകരും വായ്പയെടുത്താണ് കൃഷിയിറക്കിയത്.