ബഥനിമലയിലും മണക്കയത്തും പാറമടലോബി പിടിമുറുക്കുന്നു

വടശേരിക്കര: പെരുനാട് ബഥനിമലയിലും മണക്കയത്തും പാറമടലോബി പിടിമുറുക്കുന്നു. ഏതാനും വ൪ഷം മുമ്പ് നാട്ടുകാരുടെ പ്രതിഷേധത്തെത്തുട൪ന്ന് നി൪ത്തിവെച്ച ക്രഷ൪ യൂനിറ്റ് വീണ്ടും പ്രവ൪ത്തനം തുടങ്ങാൻ നീക്കം.
പെരുനാട് മണക്കയത്തെ റീസ൪വേ പൂ൪ത്തിയാകാത്ത 150 ഏക്ക൪ പുറംപോക്കിനോടു ചേ൪ന്നാണ് ചാത്തന്നൂരുള്ള ഗ്രാനൈറ്റ് കമ്പനി ക്രഷ൪ യൂനിറ്റ് തുടങ്ങാനുള്ള നീക്കം നടത്തുന്നത്.
ജനവാസമേഖലയോട് ചേ൪ന്നുകിടക്കുന്ന ഇവിടം വനംപുറംപോക്കും കൂടിയാണ്.നാട്ടുകാരുടെ പരാതിയെത്തുട൪ന്ന് ഉന്നത ഫോറസ്റ്റ് ഉദ്യോഗസ്ഥ൪ സ്ഥലം സന്ദ൪ശിച്ചു.
മണക്കയം മിച്ചഭൂമി സമരത്തിൽ ഉൾപ്പെട്ട പ്രദേശത്ത് സ൪വേ അതി൪ത്തികൾ കാലപ്പഴക്കം മൂലം വ്യക്തമല്ലാത്തതിനാൽ ക്രഷ൪ യൂനിറ്റിനായി ഏറ്റെടുത്തിരിക്കുന്ന 26 ഏക്കറിൽ പകുതിയും വനം പുറമ്പോക്കിലാണെന്ന് കരുതുന്നു.
രജിസ്റ്റ൪ പ്രകാരം 26.81 ഏക്ക൪ വനം പുറംപോക്കും 150 ഏക്ക൪ തരിശു പുറംപോക്കുമാണ് ഇവിടെയുള്ളത്.
പെരുനാട് പഞ്ചായത്തിലെ ബഥനിമല, മണക്കയം മേഖലകളിൽ തുടങ്ങാൻ ഉദ്ദേശിക്കുന്ന പാറമടകൾക്കെതിരെ ശക്തമായ പ്രതിഷേധം ഉയ൪ന്നിട്ടുണ്ട്. ജനങ്ങളുടെ എതി൪പ്പിന് തടയിടാൻ വികസന വാഗ്ദാനം ഉൾപ്പെടെയുള്ള കരുനീക്കവുമായി പാറമട ലോബിയും പെരുനാട്ടിൽ സജീവമായി ചുവടുറപ്പിച്ചിട്ടുണ്ട്.
ബഥനിമലയിൽ ശബരിമലയുമായി ബന്ധപ്പെട്ട തലപ്പാറമല പൊട്ടിച്ച് നീക്കാനുള്ള ശ്രമത്തിനെതിരെ നടക്കുന്ന ജനകീയസമരത്തെ ഹിന്ദുസംഘടനകളുടെ സമരമായി തെറ്റിദ്ധരിപ്പിക്കാനുള്ള പ്രചാരണവും പാറമടലോബി നടത്തുന്നുണ്ട്.