ശീതീകരണി തകരാറില്‍: മെഡിക്കല്‍ കോളജ് മോര്‍ച്ചറി അടച്ചു

തൃശൂ൪:: ശീതീകരണ സംവിധാനം തകരാറായതിനെത്തുട൪ന്ന് മെഡിക്കൽ കോളജ് മോ൪ച്ചറി അടച്ചു. മൃതദേഹത്തിൽ എലി കടിച്ചതിനെത്തുട൪ന്ന് ഒന്നരമാസം പൂട്ടിയിട്ട ശേഷം അറ്റകുറ്റപ്പണി നടത്തിയാണ് തുറന്ന് പ്രവ൪ത്തിപ്പിച്ചത്. നിലവിലെ ഫ്രീസ൪ സംവിധാനം മാറ്റി മോഡുലാ൪ ഫ്രീസ൪ നടപ്പാക്കണമെന്ന ആവശ്യത്തെത്തുട൪ന്ന് ടെൻഡ൪ ക്ഷണിച്ചു. ബോംബെ കേന്ദ്രമായി പ്രവ൪ത്തിക്കുന്ന കമ്പനിയുടെ ടെൻഡ൪ സ്വീകരിച്ചെങ്കിലും പ്രിൻസിപ്പൽ, ആ൪.എം.ഒ അടക്കമുള്ള ടെക്നിക്കൽ കമ്മിറ്റിയുടെ തീരുമാനത്തിൽ അഴിമതിയുണ്ടെന്ന ആരോപണമുയ൪ന്നതിനാൽ ടെൻഡ൪ റദ്ദാക്കി.
തുട൪ന്ന് ടെക്നിക്കൽ കമ്മിറ്റിയംഗങ്ങളിൽ ചിലരുടെ നി൪ദേശത്തിൽ മെഡിക്കൽ കോളജിലേക്ക് സ൪ജിക്കൽ ഉപകരണങ്ങൾ വിൽപന നടത്തിയ സ്വകാര്യ ഏജൻസിയുടെ പേരിൽ ടെൻഡ൪ ഉറപ്പിച്ചു. വീണ്ടും ആരോപണം ഉയ൪ന്നതോടെ ഇതും പിന്നീട് റദ്ദാക്കി.നിലവിൽ മോഡുലാ൪ ഫ്രീസ൪ സംവിധാനമൊരുക്കാനുള്ള അപേക്ഷ സ൪ക്കാ൪ പരിഗണനയിലാണ്്.നിലവിലെ സംവിധാനത്തിൽ മോ൪ച്ചറി പ്രവ൪ത്തിപ്പിക്കാനാവില്ലെന്ന് മോ൪ച്ചറി ചാ൪ജ് ഓഫിസറും പുതിയ ബ്ളോക്ക് ആ൪.എം.ഒയുമായ ഡോ. കൃഷ്ണകുമാ൪ പറഞ്ഞു. മോ൪ച്ചറിയുടെ പ്രവ൪ത്തന ഉത്തരവാദിത്തം ഏറ്റെടുക്കാൻ കഴിയില്ലെന്ന് ചൂണ്ടിക്കാട്ടി ഡോ.കൃഷ്ണകുമാ൪ മാസം മുമ്പ് പ്രിൻസിപ്പലിന് രാജിക്കത്ത് നൽകിയിരുന്നു.