ഒളിമ്പിക്സ് ബഹിഷ്കരിക്കാന്‍ ആവശ്യപ്പെട്ടിട്ടില്ല

ന്യൂദൽഹി: ലണ്ടൻ ഒളിമ്പിക്സിന് ഡവ് കെമിക്കൽസിനെ സ്പോൺസറാക്കിയതിൽ പ്രതിഷേധിച്ച് അത്ലറ്റുകളോട് ഒളിമ്പിക്സ് ബഹിഷ്കരിക്കാൻ ആവശ്യപ്പെട്ടിട്ടില്ലെന്ന് കേന്ദ്ര കായിക മന്ത്രി അജയ് മാക്കൻ പറഞ്ഞു. രാജ്യസഭയിൽ ഒരു ചോദ്യത്തിന് മറുപടിയായാണ് അദ്ദേഹം ഇങ്ങനെ പ്രതികരിച്ചത്. അതേസമയം, ഡവ് കെമിക്കൽസിനെ സ്പോൺസറാക്കിയതിലുള്ള ഇന്ത്യയുടെ പ്രതിഷേധം ഇതര രാജ്യങ്ങളെ അറിയിക്കുമെന്നും അവരെ ഇക്കാര്യത്തിൽ ബോധവാന്മാരാക്കുമെന്നും അദ്ദേഹം പറഞ്ഞു.