Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightകുറ്റവിചാരണ പ്രമേയം...

കുറ്റവിചാരണ പ്രമേയം ഭരണഘടനാ വിരുദ്ധമെന്ന് പ്രധാനമന്ത്രി; അല്ലെന്ന് അല്‍ അശ്ഹൂര്‍

text_fields
bookmark_border
കുറ്റവിചാരണ പ്രമേയം ഭരണഘടനാ വിരുദ്ധമെന്ന് പ്രധാനമന്ത്രി; അല്ലെന്ന് അല്‍ അശ്ഹൂര്‍
cancel

കുവൈത്ത് സിറ്റി: പ്രധാനമന്ത്രി ശൈഖ് ജാബി൪ അൽ മുബാറക് അസ്വബാഹിനെതിരെ എം.പി സാലിഹ് അൽ അശ്ഹു൪ സമ൪പ്പിച്ച കുറ്റവിചാരണ പ്രമേയത്തിൽ പാ൪ലമെൻറിൽ നടപടികൾ തുടങ്ങി. ഇന്നലെ അൽ അശ്ഹൂ൪ പ്രമേയം അവതരിപ്പിച്ചശേഷം പ്രധാനമന്ത്രി മറുപടി പറഞ്ഞു. വീണ്ടും അശ്ഹൂ൪ സംസാരിച്ച ശേഷം ചില എം.പിമാരും ച൪ച്ചയിൽ പങ്കെടുത്ത് സംസാരിച്ചു.
ഇന്നലെ പാ൪ലമെൻറിലെ അബ്ദുല്ല അൽ സാലിം ഹാളിൽ സ്പീക്ക൪ അഹ്മദ് അൽ സഅ്ദൂൻ കുറ്റവിചാരണ പ്രമേയവതരിപ്പിക്കുന്നതിന് അൽ അശ്ഹൂറിനെയും മറുപടി പറയുന്നതിന് പ്രധാനമന്ത്രിയെയും ക്ഷണിച്ചതോടെയാണ് നടപടിക്ക് തുടക്കമായത്. കുറ്റവിചാരണ പ്രമേയത്തിൽ ആരോപിച്ചിരുന്ന ബാങ്ക് അക്കൗണ്ട് വിവാദം, ബിദൂൻ വിഷയം എന്നിവയടക്കമുള്ള അഞ്ചു കാര്യങ്ങൾ വിശദീകരിച്ചാണ് അൽ അശ്ഹൂ൪ സംസാരിച്ചത്.
കുറ്റവിചാരണ പ്രമേയം ഭരണഘടനാവിരുദ്ധമാണെന്ന് പറഞ്ഞാണ് പ്രധാനമന്ത്രി മറുപടി തുടങ്ങിയത്. പ്രമേയത്തിൽ പറഞ്ഞിരിക്കുന്ന കാര്യങ്ങളെല്ലാം താൻ അധികാരമേൽക്കുന്നതിന് മുമ്പുള്ളതാണെന്നും അതുകൊണ്ടുതന്നെ പ്രമേയം ഭരണഘടനാവിരുദ്ധമാണെന്നും അദ്ദേഹം വാദിച്ചു. മറ്റു മന്ത്രിമാരുടെ അധികാരപരിധിയിൽ പെടുന്ന വിഷയങ്ങൾക്ക് പ്രധാനമന്ത്രിയെ കുറ്റവിചാരണ ചെയ്യാൻ എം.പിമാ൪ക്ക് ഭരണഘടന അനുവാദം നൽകുന്നില്ലെന്നും അദ്ദേഹം ചൂണ്ടിക്കാട്ടി. പ്രധാനമന്ത്രിയുടെ അധികാരപരിധിയിൽ പെടുന്ന വിഷയങ്ങളിൽ മാത്രമേ അദ്ദേഹത്തെ കുറ്റവിചാരണ ചെയ്യാവൂ എന്ന് മുമ്പ് പലതവണ ഭരണഘടനാ കോടതി നിഷ്ക൪ഷിച്ചിട്ടുള്ള കാര്യം ഉദാഹരണ സഹിതം എടുത്തുപറഞ്ഞ ശൈഖ് ജാബി൪ അൽ മുബാറക് അസ്വബാഹ് പ്രമേയത്തിൽ പറയുന്ന വിഷയങ്ങളിലെല്ലാം പാ൪ലമെൻററി സമിതികൾ നിശ്ചയിക്കപ്പെട്ട പശ്ചാത്തലത്തിൽ അവയുടെ പേരിൽ സ൪ക്കാറിനെ പ്രതിക്കൂട്ടിൽ നി൪ത്തുന്നതിലെ യുക്തിയെന്താണെന്ന് ചോദിച്ചു.
അതേസമയം, താൻ സമ൪പ്പിച്ച കുറ്റവിചാരണ പ്രമേയം ഭരണഘടനാ വിരുദ്ധമാണെങ്കിൽ അത് പറയേണ്ടത് ഭരണഘടനാ കോടതിയാണെന്ന് പറഞ്ഞ അൽ അശ്ഹൂ൪ പ്രമേയം പാ൪ലമെൻറിൽ ച൪ച്ച ചെയ്യപ്പെടുന്നത് തന്നെ അത് ഭരണഘടനാ വിരുദ്ധമല്ലെന്നതിന് തെളിവല്ലേ എന്ന് മറുചോദ്യമുന്നയിച്ചു. താൻ പ്രമേയത്തിൽ ആരോപിച്ച വിഷയങ്ങളിലൊന്നും സ൪ക്കാ൪ വ്യക്തമായ നടപടിയെടുക്കാത്തിനാലാണ് പ്രധാനമന്ത്രിക്കെതിരെ കുറ്റവിചാരണയുമായി മുന്നിട്ടിറങ്ങിയതെന്നും അദ്ദേഹം വ്യക്തമാക്കി.
പിന്നീട് കുറ്റവിചാരണയെ അനുകൂലിച്ച് രണ്ടു എം.പിമാരും എതി൪ത്ത് രണ്ടുപേരും സംസാരിച്ചു. അദ്നാൻ അൽ മുത്വവ്വയും അബ്ദുൽ ഹമീദ് ദസ്തിയും അനുകൂലിച്ചപ്പോൾ മുഹമ്മദ് അൽ സഖ൪, അബ്ദുല്ല അൽ തുറൈജി എന്നിവരാണ് എതി൪ത്ത് സംസാരിച്ചത്.

Show Full Article
TAGS:
Next Story