കുരുമുളക് ഇറക്കുമതിക്ക് സമ്മര്‍ദം ഉയരുന്നു

കൊച്ചി: കുരുമുളക് ഇറക്കുമതിക്കുള്ള നീക്കം സജീവമായി. ഓൾ ഇന്ത്യ സ്പൈസസ് എക്സ്പോ൪ട്ടേഴ്സ് ഫോറമാണ് ഇറക്കുമതിക്കായി സമ്മ൪ദം ഉയ൪ത്തുന്നത്. ഇതിന് സ്പൈസസ് ബോ൪ഡിൻെറ പിന്തുണ ഉണ്ടെന്നാണ് സൂചന. ഇറക്കുമതി നീക്കം ഫലംകണ്ടാൽ കുരുമുളക് ക൪ഷക൪ വൻതിരിച്ചടി നേരിടേണ്ടിവരും. കേന്ദ്ര കൃഷി മന്ത്രാലയത്തിലും വാണിജ്യ മന്ത്രാലത്തിലും ഇറക്കുമതിക്കുള്ള സമ്മ൪ദം ശക്തമാക്കിയിട്ടുണ്ട്്.

ആഭ്യന്തര വിപണിയിൽ വില ഉയ൪ന്നുനിൽക്കുന്നതിനാൽ ഉപഭോക്താക്കൾക്ക് കുറഞ്ഞ വിലയ്ക്ക് കുരുമുളക് ലഭ്യമാക്കാൻ ഇറക്കുമതി അനുവദിക്കണമെന്നാണ് കയറ്റുമതിക്കാരുടെ സംഘടന ആവശ്യപ്പെടുന്നത്. എന്നാൽ, നികുതി ഇളവോടെ ഇറക്കുമതി നടത്തി ആഭ്യന്തര വിപണിയിൽ ഉയ൪ന്ന വിലയ്ക്ക് വിൽപ്പന നടത്തി ലാഭം കൊയ്യലാണ് ഇവരുടെ ലക്ഷ്യമെന്ന് വ്യാപാര കേന്ദ്രങ്ങൾ മുന്നറിയിപ്പ് നൽകുന്നു. ഉപഭോക്താക്കൾക്ക് വില കുറച്ച് ചരക്ക് ലഭ്യമാക്കലാണ് ഉദ്ദേശ്യമെങ്കിൽ സ൪ക്കാ൪ ഏജൻസികൾ വഴി ഇറക്കുമതി നടത്തിയാൽ മതിയാകും. ഇതിന് ശ്രമിക്കാതെ കയറ്റുമതിക്കാരുടെ സംഘടനയുടെ ആവശ്യം പരിഗണിച്ച് ഇറക്കുമതിക്ക് അനുമതി നൽകാനാണ് ശ്രമം.

കാലാവസ്ഥ വ്യതിയാനം മൂലം സംസ്ഥാനത്ത് കുരുമുളക് ഉൽപ്പാദനത്തിൽ ഗണ്യമായ കുറവുണ്ടായിട്ടുണ്ട്. മുൻ വ൪ഷത്തെ അപേക്ഷിച്ച് ഉൽപ്പാദനം പകുതിയായി കുറഞ്ഞെന്നാണ് ക൪ഷക൪ പറയുന്നത്. ഉയ൪ന്ന വില ലഭിക്കുന്നുണ്ടെങ്കിലും ഉൽപ്പാദനം കുറഞ്ഞതിനാൽ ക൪ഷക൪ക്ക് വില വ൪ധനയുടെ ഗുണം ലഭിക്കുന്നില്ല. ഊഹക്കച്ചവടക്കാരുടെ ഇടപെടൽ മൂലം വിപണിയിൽ വലിയ ചാഞ്ചാട്ടവും പ്രകടമാണ്.10,000 ടൺ കുരുമുളക് ഇറക്കുമതിക്ക് അനുമതി നൽകണമെന്നാണ് സ്പൈസസ് എക്സ്പോ൪ട്ടേഴ്സിൻെറ ആവശ്യം.

കുരുമുളകിൻെറ ലഭ്യതക്കുറവ് പരിഗണിച്ച് ഇറക്കുമതിക്ക് അനുമതി നൽകാമെന്ന നിലപാടാണ് സ്പൈസസ് ബോ൪ഡിനുള്ളത്. മൂല്യ വ൪ധിത ഉൽപ്പന്നങ്ങളാക്കി തിരിച്ച് കയറ്റുമതി ചെയ്യുന്നതിന് നടത്തുന്ന ഇറക്കുമതിയുടെ മറവിലും ആഭ്യന്തര വിപണിയിൽ ചരക്ക് വിറ്റഴിക്കുന്നുണ്ട്.

അതേസമയം ക൪ണാടകയിലെ ചിക്മഗളൂരിൽ കിലോക്ക് 370 രൂപ നിരക്കിൽ കുരുമുളക് ലഭ്യമാകുന്നുണ്ട്. ഇന്ത്യയിൽ എവിടെയും 380 രൂപ നിരക്കിൽ ചരക്ക് എത്തിച്ച് നൽകുന്നുമുണ്ട്. ഗുണമേന്മ കൂടിയ കുടക് മുളകിന് 380 രൂപയാണ് വില. കേരളത്തിൽ 380- 385 രൂപയാണ് വില. ആവ൪ത്തന കൃഷിക്കായി കുരുമുളക് വള്ളികൾ ഇറക്കുമതി ചെയ്യാനുള്ള സ്പൈസസ് ബോ൪ഡിൻെറ നീക്കത്തിനെതിരെയും ക൪ഷകരുടെ എതി൪പ്പ് ഉയ൪ന്നിട്ടുണ്ട്. കേരളത്തിൽ നിന്ന് സംഭരിക്കുന്ന വള്ളികളാണ് ക൪ണാടകയിൽ ക൪ഷക൪ ഉപയോഗിക്കുന്നത്. മികച്ച വിളവ് ലഭിക്കുന്നുമുണ്ട്. എന്നാൽ, കേരളത്തിൽ ഈ വള്ളികൾ ഉപയോഗിച്ച് നടത്തുന്ന കൃഷി വിജയമാകുന്നില്ലെന്നാണ് സ്പൈസസ് ബോ൪ഡ് പറയുന്നത്. മണ്ണിൻെറ ഗുണമേന്മയിൽ വന്ന വ്യതിയാനമാണ് ഇതിന് കാരണമെന്നും ഇതിന് പരിഹാരം കാണാതെ കുരുമുളക് വള്ളികൾ ഇറക്കുമതി ചെയ്യുന്നത് കൃഷി മെച്ചമാക്കാൻ സഹായിക്കില്ലെന്നുമാണ് ക൪ഷക൪ ചൂണ്ടിക്കാട്ടുന്നത്.