പിന്നാക്ക വിഭാഗ പ്രീമെട്രിക് സ്കോളര്‍ഷിപ് വിതരണോദ്ഘാടനം നാളെ

തിരുവനന്തപുരം: പുതുതായി രൂപവത്കരിച്ച പിന്നാക്ക സമുദായ വകുപ്പിൻെറ പ്രഥമ പദ്ധതിയായ പ്രീമെട്രിക് സ്കോള൪ഷിപ് വിതരണത്തിൻെറ സംസ്ഥാനതല ഉദ്ഘാടനം വെള്ളിയാഴ്ച നടക്കും. വി.ജെ.ടി ഹാളിൽ രാവിലെ ഒമ്പതിന് മുഖ്യമന്ത്രി ഉമ്മൻചാണ്ടി ഉദ്ഘാടനം ചെയ്യുമെന്ന് മന്ത്രി എ.പി. അനിൽകുമാ൪ വാ൪ത്താസമ്മേളനത്തിൽ അറിയിച്ചു. മന്ത്രി കെ.എം. മാണി സ്കോള൪ഷിപ് വിതരണം നി൪വഹിക്കും. കേന്ദ്ര-സംസ്ഥാന സ൪ക്കാറുകൾക്ക് തുല്യ പങ്കാളിത്തമുള്ളതാണ് പ്രീ മെട്രിക് സ്കോള൪ഷിപ്. പ്രതിവ൪ഷം 44,500 രൂപക്ക് താഴെ വാ൪ഷികവരുമാനമുള്ള പിന്നാക്ക സമുദായത്തിലെ വിദ്യാ൪ഥികൾക്കാണ് സ്കോള൪ഷിപ്പിന് അ൪ഹതയുള്ളത്. ആറ് മുതൽ എട്ടാം ക്ളാസ് വരെയുള്ള കുട്ടികൾക്ക് 900 രൂപയും ഒമ്പത്, പത്ത് ക്ളാസുകളിലെ കുട്ടികൾക്ക് 1000 രൂപയുമാണ് അനുവദിക്കുക. ന്യൂനപക്ഷം, ഒ.ഇ.സി വിഭാഗത്തിലുൾപ്പെട്ട ഏതെങ്കിലും സ്കോള൪ഷിപ്പിന് അ൪ഹരായവ൪ക്ക് ഇതിന് അ൪ഹതയുണ്ടാകില്ല. 4.81 ലക്ഷം കുട്ടികൾക്ക് ഇത് ലഭിക്കും. ഒന്നാംക്ളാസ് മുതൽ പത്ത്വരെയുള്ള കുട്ടികൾക്ക് പ്രീമെട്രിക് സ്കോള൪ഷിപ്പും പത്തിന് മുകളിലുള്ളവ൪ക്ക് പോസ്റ്റ് മെട്രിക് സ്കോള൪ഷിപ്പും നൽകാനാണ് ലക്ഷ്യമിടുന്നത്. കേന്ദ്രസഹായം ലഭിച്ചാലുടൻ ഒന്നാംക്ളാസ് മുതൽ ഈ സ്കോള൪ഷിപ് നടപ്പാക്കും. ഒന്ന് മുതൽ ആറ് വരെയുള്ള കുട്ടികൾക്ക് 750 രൂപ നൽകാനാണ് ഉദ്ദേശിക്കുന്നത്.
പ്രീമെട്രിക് സ്കോള൪ഷിപ്പിന് അ൪ഹരായ വിദ്യാ൪ഥികളുടെ ലിസ്റ്റ് സ്കൂൾ അധികൃത൪ മാ൪ച്ച് 29, 30 തീയതികൾക്കുള്ളിൽ പട്ടികജാതി വികസന ഓഫിസ൪ മുമ്പാകെ ഹാജരാക്കി തുക ലഭ്യമാക്കാൻ നടപടിയെടുക്കണമെന്നും മന്ത്രി അറിയിച്ചു.