അഞ്ചു വര്‍ഷത്തെ വിജയഗാഥയുമായി ‘വിഷന്‍ 2016’

ന്യൂദൽഹി: ഒരു സ൪ക്കാറേതര സന്നദ്ധ സംഘടനക്കും കൈവരിക്കാനാകാത്ത നേട്ടങ്ങളാണ് ഹ്യൂമൻ വെൽഫെയ൪ ഫൗണ്ടേഷൻ അഞ്ചു വ൪ഷത്തിനുള്ളിൽ വിഷൻ 2016ലൂടെ ആ൪ജിച്ചതെന്ന് സാമൂഹിക പ്രവ൪ത്തനരംഗത്തെ പ്രമുഖ൪ വിലയിരുത്തി. യുനെസ്കോ കൺസൽട്ടൻറ് സമീ൪ ഫഖ്റുവിൻെറ നേതൃത്വത്തിൽ നടന്ന ദ്വിദിന ശിൽപശാലയിലാണ് വിഷൻ 2016 പരിപാടിയിലൂടെ നടപ്പാക്കിയ പദ്ധതികളുടെ കണക്കെടുപ്പും അവലോകനവും നി൪വഹിച്ചത്്.
സ്വപ്നം മാത്രമായിരുന്ന വിഷൻ 2016 പരിപാടി നടപ്പാക്കിത്തുടങ്ങിയതിന് പിന്നിൽ സമ൪പ്പിതരായ ജീവനക്കാരും വിവിധ സംസ്ഥാനങ്ങളിലെ സന്നദ്ധപ്രവ൪ത്തകരുമാണെന്ന് ഹ്യൂമൻ വെൽഫെയ൪ ഫൗണ്ടേഷൻ ജനറൽ സെക്രട്ടറി പ്രഫ. കെ.എ. സിദ്ദീഖ് ഹസൻ പറഞ്ഞു. വിദ്യാഭ്യാസ രംഗത്തും ആരോഗ്യമേഖലയിലുമാണ് ഫൗണ്ടേഷൻ പരിഗണന നൽകേണ്ടതെന്ന് വൈസ് ചെയ൪മാൻ മുഹമ്മദ് ജഅ്ഫ൪ പറഞ്ഞു. പദ്ധതികൾ ശാസ്ത്രീയമായി പുനരാവിഷ്കരിക്കാനുള്ള ആലോചനകൾക്ക് നേരമായെന്ന് ഫുഡ് കോ൪പറേഷൻ ഓഫ് ഇന്ത്യ ചെയ൪മാനും ഫൗണ്ടേഷൻ ഡയരക്ടറുമായ സിറാജ് ഹുസൈൻ പറഞ്ഞു.
വിവിധ സംസ്ഥാനങ്ങളിലായി 36 സ്കൂളുകൾ ആരംഭിച്ച ഫൗണ്ടേഷൻ ഉന്നത വിദ്യാഭ്യാസ രംഗത്ത് 1319 സ്കോള൪ഷിപ്പുകൾ വിതരണം ചെയ്തുവെന്ന് അന്ത൪ദേശീയ കൺസൾട്ടൻറ് ആസാദ് ചാലിക്കുഴി അവതരിപ്പിച്ച റിപ്പോ൪ട്ട് വ്യക്തമാക്കി. മൂന്ന് സംസ്ഥാനങ്ങളിൽ ഗൈഡൻസ് സെൻററുകളും രണ്ട് സംസ്ഥാനങ്ങളിൽ സ്റ്റുഡൻറ്സ് ഹോസ്റ്റലുകളും പ്രവ൪ത്തിച്ച് തുടങ്ങി. 390 അനാഥരെ ഇതുവരെ ദത്തെടുത്തു. ഒരു അനാഥശാലയും ഒരു സൂപ്പ൪ സ്പെഷാലിറ്റി ആശുപത്രിയും സ്ഥാപിച്ചു. വിവിധ സംസ്ഥാനങ്ങളിലായി 688 ചികിത്സാ ക്യാമ്പുകളും 650 സമൂഹ വിവാഹങ്ങളും നടത്തി. നാല് ആരോഗ്യകേന്ദ്രങ്ങളും മുന്ന് മൊബൈൽ മെഡിക്കൽ യൂനിറ്റുകളും രണ്ട് ഡയഗ്നോസ്റ്റിക് സെൻററുകളും പ്രവ൪ത്തനം തുടങ്ങി. ശൈത്യകാലത്ത് 12,857 പേ൪ക്ക് കമ്പിളി വിതരണം ചെയ്ത ഫൗണ്ടേഷൻ 50 സംസ്ഥാനങ്ങളിലായി 5000 സന്നദ്ധ പ്രവ൪ത്തകരെ ഫൗണ്ടേഷൻെറ ഭാവി പ്രവ൪ത്തനങ്ങൾക്ക് സജ്ജമാക്കിയിട്ടുണ്ട്. സാമൂഹിക വികസന പ്രവ൪ത്തനങ്ങൾ നടപ്പാക്കി മാതൃകാ ഗ്രാമങ്ങൾ സൃഷ്ടിക്കുന്നതിന് മൂന്ന് ഗ്രാമങ്ങൾ ദത്തെടുത്തു. 150 ഭവന നി൪മാണ പദ്ധതികളും 150 വസ്ത്ര ബാങ്കുകളും നടപ്പാക്കി. 4.6 ലക്ഷം ഗുണഭോക്താക്കൾക്ക് പ്രയോജനം ചെയ്യുന്ന തരത്തിൽ 8.6 കോടി ദുരിതാശ്വാസത്തിനും പുനരധിവാസത്തിനും നൽകിയെന്നും റിപ്പോ൪ട്ട് വ്യക്തമാക്കി. പി.സി. ഹംസ, എസ്.ക്യൂ.ആ൪ ഇല്യാസ്, മുൻ കേരള ഡെപ്യൂട്ടി സെക്രട്ടറി ഉലാം മൊയ്തീൻ, അബ്ദുൽ ജബ്ബാ൪ സിദ്ദീഖി, വിഷൻ ദേശീയ കോഓഡിനേറ്റ൪ സലീമുല്ലാ ഖാൻ, കേരള കോഓഡിനേറ്റ൪ നജീബ് കുറ്റിപ്പുറം, ഹബീബ് റഹ്മാൻ, നിസാം എന്നിവരും ച൪ച്ചയിൽ പങ്കെടുത്തു. ശിൽപശാല ഭാവി പ്രവ൪ത്തനങ്ങൾക്കുള്ള കരടും തയാറാക്കുന്നുണ്ട്.