അട്ടിമറികേസ്: തുര്‍ക്കി മുന്‍ സേനാ മേധാവി കുറ്റം നിഷേധിച്ചു

ഇസ്തംബൂൾ: തു൪ക്കി ഗവൺമെൻറിനെതിരെ സൈനിക അഴിമതി ഗൂഢാലോചനകേസിൽ അറസ്റ്റിലായ മുൻ സൈനിക മേധാവി ഇത്ക൪ ബാസ്ബഗ് കുറ്റം നിഷേധിച്ചു. തു൪ക്കിയിലെ സിൽവിരി കോടതിയിലാണ് കഴിഞ്ഞദിവസം കേസിൻെറ വിസ്താരം ആരംഭിച്ചത്.
ഈ കോടതിക്ക് തന്നെ വിസ്തരിക്കാൻ അധികാരമില്ലെന്നും കോടതിയുടെ ചോദ്യങ്ങൾക്ക് മറുപടി നൽകിയശേഷം ബാസ്ബഗ് വ്യക്തമാക്കി.
പ്രധാനമന്ത്രി റജബ് ഉ൪ദുഗാൻെറ ഭരണകൂടത്തിനെതിരെ ഇയാൾ ‘എ൪ഗൻകോൺ’ എന്ന ഭീകര സംഘടനക്ക് രൂപംനൽകിയതായും അന്വേഷണത്തിൽ കണ്ടെത്തിയിട്ടുണ്ട്. കേസ് സുപ്രീംകോടതിയിലേക്ക് മാറ്റണമെന്ന മുൻ സേനാ മേധാവിയുടെ വാദം വിചാരണകോടതി തള്ളി.