പാചകവാതക സംഭരണശാല: പ്രതിഷേധം ശക്തമാകുന്നു.

കുളത്തൂപ്പുഴ: ജനവാസമേഖലയിൽ പാചകവാതക സംഭരണ ശാല ആരംഭിക്കുന്നതിനു അനുമതി നൽകിയ ഗ്രാമപഞ്ചായത്ത് അധികൃത൪ക്കെതിരെ പ്രതിഷേധം ശക്തമാകുന്നു. അമ്പതേക്ക൪ കോളനിയിലാണ് പുതുതായി സ്ഥാപിക്കുന്ന പാചകവാതക സംഭരണശാലയ്ക്ക് അനുമതി നൽകിയത്. സുരക്ഷാ അനുമതിക്കായി കഴിഞ്ഞ ദിവസം ഫയ൪ഫോഴ്സ് വിഭാഗത്തിൻെറ ഉന്നത ഉദ്യോഗസ്ഥ൪ എത്തിയപ്പോഴാണ് പരിസരവാസികൾ സംഭരണശാലയെക്കുറിച്ച് അറിയുന്നത്. ഗ്യാസ് സംഭരണശാലയ്ക്ക് അനുമതി നൽകുന്നതിനു മുമ്പായി ഗ്രാമപഞ്ചായത്ത് അധികൃത൪ പ്രദേശവാസികളോട് നേരിട്ട് അന്വേഷിക്കുകയോ, വിവരം പരസ്യപ്പെടുത്തുകയോ ഉണ്ടായില്ലെന്ന് സമീപവാസികൾ പറയുന്നു.