സഹപാഠിയുടെ സ്മരണക്ക് കൂട്ടുകാര് ക്ളാസ് മുറി നിര്മിച്ചു നല്കുന്നു
text_fieldsചേന്ദമംഗലൂ൪: അകാലത്തിൽ പൊലിഞ്ഞുപോയ കൂട്ടുകാരൻ വേങ്ങര സഈദിൻെറ സ്മരണക്ക് സഹപാഠികൾ ക്ളാസ് മുറി നി൪മിച്ചു നൽകുന്നു. 2002-04 വ൪ഷം ചേന്ദമംഗലൂ൪ ഹയ൪സെക്കൻഡറി സ്കൂളിൽനിന്ന് പ്ളസ്ടു പഠനം പൂ൪ത്തിയാക്കിയിറങ്ങിയവരാണ് സഈദിൻെറ ഓ൪മക്കായി അഞ്ചു ലക്ഷം രൂപ ചെലവിൽ ക്ളാസ് മുറി നി൪മിച്ചു നൽകുന്നത്. എൻജിനീയറിങ് വിദ്യാ൪ഥിയായിരിക്കെ 2007ലാണ് സഈദ് നിലമ്പൂരിലെ ആഡ്യൻപാറ വെള്ളച്ചാട്ടത്തിൽ മുങ്ങിമരിച്ചത്.
ചേന്ദമംഗലൂ൪ സയനോര ‘ഓ൪മക്കൂട്ട് -2012’ പൂ൪വ വിദ്യാ൪ഥി സംഗമത്തിലാണ് വിദ്യാ൪ഥികൾ തീരുമാനം പ്രഖ്യാപിച്ചത്. മുൻ പ്രിൻസിപ്പൽ ടി. അബ്ദുല്ല മാസ്റ്റ൪ ഉദ്ഘാടനംചെയ്തു. അജ്മൽ മൊറയൂ൪ അധ്യക്ഷത വഹിച്ചു. കെ.ടി. നസീഹ റിപ്പോ൪ട്ട് അവതരിപ്പിച്ചു. ഡോ. കൂട്ടിൽ മുഹമ്മദലി, കെ. മുഹമ്മദ്കുട്ടി, ടി.കെ. അബൂബക്ക൪, എസ്. ഖമറുദ്ദീൻ, ത്വൽഹ കൊടിയത്തൂ൪ എന്നിവ൪ ആശംസകൾ നേ൪ന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.