യുവാവിനെ തലക്കടിച്ച് പരിക്കേല്‍പ്പിച്ചു

മട്ടാഞ്ചേരി: മുൻ വൈരാഗ്യത്തെ തുട൪ന്ന് യുവാവിനെ ബന്ധു തലക്കടിച്ച് പരിക്കേൽപ്പിച്ചതായി പരാതി. കൊച്ചങ്ങാടി ദാറുസ്സലാം റോഡിൽ 7/333 ൽ താമസിക്കുന്ന ഹബീബിൻെറ മകൻ അഫ്സലാണ് (37) തലക്കും കൈക്കും ഇരുമ്പുവടികൊണ്ട് അടിയേറ്റ് സ്വകാര്യ ആശുപത്രിയിൽ കഴിയുന്നത്. അഫ്സലിൻെറ പിതൃസഹോദരൻെറ മകൻ കലീൽ ആണ് പ്രതിയെന്ന് പൊലീസ് പറഞ്ഞു.
അഫ്സലിൻെറ തലക്ക് 25 ഓളം തുന്നൽ ഇട്ടിട്ടുണ്ടെന്ന് ആശുപത്രി വൃത്തങ്ങൾ അറിയിച്ചു. മട്ടാഞ്ചേരി പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.