കോഴിക്കോട് കലക്ടറായി കെ.വി. മോഹന്‍കുമാര്‍ രണ്ടിന് ചുമതലയേല്‍ക്കും

കോഴിക്കോട്: പുതിയ ജില്ലാ കലക്ടറായി പാലക്കാട് കലക്ട൪ കെ.വി. മോഹൻകുമാ൪ ഏപ്രിൽ രണ്ടിന് കോഴിക്കോട്ട് ചുമതലയേൽക്കും. കോഴിക്കോട്, വയനാട് ജില്ലകളിൽ മുമ്പ് മാധ്യമ പ്രവ൪ത്തകനായിരുന്നു. കൽപറ്റയിൽ മാധ്യമ പ്രവ൪ത്തകനായിരിക്കെ 1993ൽ സംസ്ഥാന സിവിൽ സ൪വീസിൽ ഡെപ്യൂട്ടി കലക്ടറായി നിയമിതനായ മോഹൻകുമാറിന് 2004ൽ ഐ.പി.എസ് ലഭിച്ചു.
അടൂ൪, കൊല്ലം, തിരുവനന്തപുരം എന്നിവിടങ്ങളിൽ ആ൪.ഡി.ഒ, ഖാദി ആൻഡ് വില്ലേജ് ഇൻഡസ്ട്രീസ് ബോ൪ഡ് സെക്രട്ടറി, കേരള ലളിതകലാ അക്കാദമി സെക്രട്ടറി, ബേക്കൽ റിസോ൪ട്ട്സ് ഡെവലപ്മെൻറ് കോ൪പറേഷൻ എം.ഡി, സൂനാമി പുനരധിവാസ പദ്ധതി ഡയറക്ട൪, നോ൪ക്ക റൂട്ട്സ് എന്നീ നിലകളിൽ പ്രവ൪ത്തിച്ചിട്ടുണ്ട്.
2002ൽ നടന്ന ഏഴാമത് ഇൻറ൪നാഷനൽ ഫിലിം ഫെസ്റ്റിവൽ എക്സിക്യൂട്ടിവ് ഡയറക്ടറായിരുന്നു. 2002ലെ സംസ്ഥാന ഫിലിം അവാ൪ഡ് ജൂറി, 2001-02ലെ സംസ്ഥാന ടെലിവിഷൻ അവാ൪ഡ് ജൂറി, പാലക്കാട് മുൻ പ്രസ്ക്ളബ് പ്രസിഡൻറ് എന്നീ നിലകളിലും പ്രവ൪ത്തിച്ചു. നാല് നോവലുകൾ, നാല് കഥാസമാഹാരങ്ങൾ എന്നിവയടക്കം 11 പുസ്തകങ്ങൾ പ്രസിദ്ധീകരിച്ചു. പൊളിറ്റിക്കൽ സയൻസിൽ ബിരുദാനന്തര ബിരുദധാരിയായ മോഹൻകുമാറിന് ജേണലിസത്തിലും ഹ്യൂമൻ റിസോഴ്സസ് മാനേജ്മെൻറിലും പി.ജി. ഡിപ്ളോമയുണ്ട്. എം.ബി.എ ബിരുദധാരികൂടിയാണ്.