ഡ്രോണ്‍ ആക്രമണങ്ങള്‍ അവസാനിപ്പിക്കണം -പാകിസ്താന്‍

ഇസ്ലാമാബാദ്: പാകിസ്താനിൽ യു.എസ് ചാരസംഘടനയായ സി.ഐ.എയുടെ നേതൃത്വത്തിൽ നടക്കുന്ന പൈലറ്റില്ലാ വിമാനങ്ങളുടെ (ഡ്രോൺ) ആക്രമണങ്ങൾ അവസാനിപ്പിക്കണമെന്ന് പാക് പാ൪ലമെൻററി കമീഷൻ ആവശ്യപ്പെട്ടു.
ഇന്ത്യയുമായി ഉണ്ടാക്കിയ സൈനികേതര ആണവകരാറിൻെറ മാതൃകയിൽ തങ്ങളുമായും ഉടമ്പടി ഉണ്ടാക്കണമെന്നും കമീഷൻ അമേരിക്കയോട് ആവശ്യപ്പെട്ടു. പാകിസ്താൻെറ വിദേശനയം പുന:പരിശോധിക്കുന്നതുമായി ബന്ധപ്പെട്ട പാ൪ലമെൻറ് സമ്മേളനത്തിൽ കമീഷൻ റിപ്പോ൪ട്ട് അവതരിപ്പിക്കും. പാകിസ്താനുമായുള്ള ബന്ധം അമേരിക്ക ക്രിയാത്മകമായി പുന:പരിശോധിക്കണമെന്ന് കമീഷൻ മേധാവി റസാ റബ്ബാനി പറഞ്ഞു.