ടൂറിസം സര്‍ക്യൂട്ട് പദ്ധതിക്ക് പച്ചക്കൊടി

പാലാ: ചരിത്രവും വിശ്വാസവും സംഗമിക്കുന്ന മുരുകൻമല, തങ്ങൾപാറ,കുരിശുമല, കടപ്പാട്ടൂ൪, രാമപുരം, നാലമ്പലം, വാഴ്ത്തപ്പെട്ട കുഞ്ഞച്ചൻെറ കബറിടം, ഭരണങ്ങാനം, ഇടപ്പാടി, ആനന്ദഷ്ണ മുഖക്ഷേത്രം, ഭരണങ്ങാനം ശ്രീകൃഷ്ണ സ്വാമിക്ഷേത്രം, ഇലവീഴാപൂഞ്ചിറ, മാ൪മല അരുവി, വാഗമൺ തുടങ്ങിയ തീ൪ഥാടന-ടൂറിസ്റ്റ് കേന്ദ്രങ്ങളെ ബന്ധിപ്പിക്കുന്ന ടൂറിസം സ൪ക്യൂട്ട് പദ്ധതിക്ക് ധനമന്ത്രി കെ.എം. മാണിയുടെ ബജറ്റിൽ പച്ചക്കൊടി. കോട്ടയം, എറണാകുളം, ഇടുക്കി ജില്ലകളിൽ നിന്ന് പദ്ധതി പ്രദേശത്ത് എത്താം. പദ്ധതി പൂ൪ത്തിയാകുന്നതോടെ മധ്യതിരുവിതാംകൂറിലെ ഏറ്റവും വലിയ ടൂറിസം പദ്ധതിയായി മാറുമെന്ന് പ്രതീക്ഷിക്കുന്നു.