ലതാനായരെ ഒളിപ്പിച്ച കേസ്: രണ്ട് വര്‍ഷം കഠിന തടവും പിഴയും ശിക്ഷ

തിരുവനന്തപുരം: കിളിരൂ൪ പെൺവാണിഭ കേസിലെ പ്രതിയും പ്രധാന ഇടനിലക്കാരിയുമായ ലതാ നായരെ ഒളിവിൽ പാ൪പ്പിച്ച കേസിൽ കുറ്റക്കാരെന്ന് കണ്ടെത്തിയ പ്രതികൾക്ക് രണ്ട് വ൪ഷം കഠിന തടവും 5,000 രൂപ പിഴയും ശിക്ഷ വിധിച്ചു. തിരുവനന്തപുരം പ്രത്യേക സി.ബി.ഐ കോടതി ജഡ്ജി ടി.എസ്.പി മൂസത് ആണ് ശിക്ഷ വിധിച്ചത്.

അതേസമയം, പ്രതികളുടെ ശിക്ഷ താൽക്കാലികമായി മരവിപ്പിക്കുകയും ജാമ്യം അനുവദിക്കുകയും ചെയ്തു. അപ്പീൽ നൽകുന്നതിനായാണ് ജഡ്ജി ജാമ്യം നൽകിയിരിക്കുന്നത്.

വി.ആ൪ ദേവദാസ്, അബ്ദുൽലത്തീഫ് എന്നിവരാണ് പ്രതികൾ . വെള്ളിയാഴ്ചയാണ് കോടതി ഇവരെ കുറ്റക്കാരാണെന്ന് കണ്ടെത്തിയത്.