കാട്ടുതീ അണക്കാനെത്തിയവരെ ഒറ്റയാന്‍ വിരട്ടിയോടിച്ചു

നിലമ്പൂ൪: നാടുകാണി ചുരത്തിൽ കാട്ടുതീ അണക്കാനെത്തിയ വനപാലക സംഘത്തെ ഒറ്റയാൻ വിരട്ടിയോടിച്ചു. വ്യാഴാഴ്ച രാവിലെ എട്ടോടെ പോത്തുംകുഴി ചോലക്ക് സമീപമാണ് സംഭവം. പത്തംഗ വനപാലക സംഘത്തെ കൊമ്പൻ ചിന്നംവിളിച്ച് പാഞ്ഞടുത്ത് വിരട്ടിയോടിക്കുകയായിരുന്നു. ബുധനാഴ്ച വൈകുന്നേരം ഇതേ സ്ഥലത്ത് കാട്ടുതീ കെടുത്താനെത്തിയ നെല്ലിക്കുത്ത് ഫോറസ്റ്റ൪ ശ്രീജിത്തിനെ ഒറ്റയാൻ വിരട്ടിയോടിച്ചിരുന്നു. ഓടുന്നതിനിടെ ഇദ്ദേഹത്തിൻെറ കാലിനും കൈക്കും പരിക്കേറ്റു.