സമരത്തിനിടെ എന്‍ജി.കോളജ് അധ്യാപികക്ക് അടിയേറ്റു

പാലാ: കിടങ്ങൂ൪ എൻജിനീയറിങ് കോളജിലെ സമരത്തിനിടെ അധ്യാപികക്ക് മ൪ദനമേറ്റു. ലിസ മറിയാനോ ബെൻേറായ്ക്കാണ് സഹപ്രവ൪ത്തകൻെറ മ൪ദമേറ്റത്.
ഇടതുപക്ഷ സംഘടനയുടെ പ്രവ൪ത്തകയായിരുന്ന ലിസയെ പാ൪ട്ടി വിരുദ്ധ പ്രവ൪ത്തനങ്ങളുടെ പേരിൽ രണ്ടു മാസം മുമ്പ് പുറത്താക്കിയിരുന്നു. ഇതിനുമുമ്പ് ലിസ മറുപടി പറയണമെന്നാവശ്യപ്പെട്ട് സംഘടന കത്ത് നൽകിയിരുന്നു.
എന്നാൽ, ലിസ നൽകിയ മറുപടിയിൽ നിലപാട് ന്യായീകരിച്ചതിന് പുറമെ ഇതിൻെറ പക൪പ്പ് മറ്റ് പല൪ക്കും കൈമാറിയിരുന്നു. പക൪പ്പിൽ കോളജ് പ്രിൻസിപ്പൽ തൻെറ നിലപാടിൽ അനുകൂലിക്കുന്നതായും ഒപ്പും ചേ൪ത്താണ് വിതരണം ചെയ്തത്. തുട൪ന്ന് നടത്തിയ അന്വേഷണത്തിൽ പ്രിൻസിപ്പലിൻെറ ഒപ്പും പ്രസ്താവനയും വ്യാജമാണെന്ന് തെളിഞ്ഞിരുന്നു. ഇക്കാരണത്താൽ ലിസയെ മാനേജ്മെൻറ് സസ്പെൻഡ് ചെയ്തു. സസ്പെൻഷനെതിരെ ഉന്നത വിദ്യാഭ്യാസ ഉദ്യോഗസ്ഥ൪ക്ക് പരാതി നൽകിയതിൻെറ അടിസ്ഥാനത്തിൽ അന്വേഷണവും നടത്തി.
ലിസയുടെ പേരിലുള്ള ആരോപണം തെളിയിക്കാൻ സാധിക്കാതെ വന്നതിനാൽ സി.എ.പി.ഇ (കേപ്) ഡയറക്ട൪ ലിസയെ തിരിച്ചെടുക്കണമെന്നാവശ്യപ്പെട്ട് ഉത്തരവിട്ടിരുന്നു. ഇതുമായി കഴിഞ്ഞ മാസം ജോലിക്കെത്തിയ ലിസയെ വിദ്യാ൪ഥികളും സംഘടനാ നേതാക്കളും ചേ൪ന്ന് തടഞ്ഞു.
തുട൪ന്ന് ജോലിയിൽ പ്രവേശിക്കാൻ കഴിയാതെ മടങ്ങിയ അവ൪ ബുധനാഴ്ച വീണ്ടും ജോലിക്കെത്തിയപ്പോഴാണ് വിദ്യാ൪ഥി സമരത്തിനിടെ മ൪ദനമേറ്റത്. സമരക്കാരുമായി ലിസ ത൪ക്കിച്ചെങ്കിലും ജോലിയിൽ തുടരാൻ അനുവദിക്കില്ലെന്ന നിലപാടാണ് അവ൪ സ്വീകരിച്ചത്. ബഹളം വെച്ച ഇവരെ അധ്യാപക സംഘടന കോളജ് യൂനിറ്റ് സെക്രട്ടറി എസ്.സിബി അടിച്ചതായാണ് പരാതി. സംഭവത്തെക്കുറിച്ച് അന്വേഷണം നടത്തുമെന്ന് കോളജ് അധികൃത൪ അറിയിച്ചു.