പത്തനംതിട്ട വീടിനുള്ളില്‍ നിന്ന് സ്ഫോടകവസ്തുക്കള്‍ കണ്ടെടുത്തു

പത്തനംതിട്ട:നാരങ്ങാനത്ത് അനധികൃത പടക്കനി൪മാണ ശാലയിൽ സൂക്ഷിച്ച 1000 കിലോ വരുന്ന സ്ഫോടകവസ്തുക്കൾ പൊലീസ് പിടിച്ചെടുത്തു. ചൊവ്വാഴ്ച രാത്രി നടത്തിയ റെയ്ഡിലാണ് നാരങ്ങാനത്ത് ജനവാസ കേന്ദ്രത്തിലെ വീടിനുള്ളിൽ സ്ഫോടകവസ്തുക്കൾ സൂക്ഷിച്ചതായി കണ്ടെത്തിയത്.

അയിരൂ൪ സ്വദേശി മണിയെന്നയാൾ വാടകക്ക് താമസിച്ച നാരങ്ങാനം കൊച്ചുതുള്ളിയിൽ പുതുപ്പറമ്പിൽ വീട്ടിൽ സൂക്ഷിച്ച സ്ഫോടക വസ്തുക്കളാണ് കോഴഞ്ചേരി സി.ഐ സക്കറിയ മാത്യൂ, ആറൻമുള എസ.ഐ വിനോദ് കുമാ൪ എന്നിവരുടെ നേതൃത്വത്തിലുള്ള പൊലീസ് സംഘം പിടികൂടിയത്. പൊലീസിനെ കണ്ട മണി ഓടി രക്ഷപെട്ടു.