അനധികൃതമായി തങ്ങിയ ജൂത ദമ്പതികള്‍ രാജ്യം വിട്ടു

നെടുമ്പാശേരി: വിസ ചട്ടം ലംഘിച്ച് അനധികൃതമായി തങ്ങിയ ജൂത ദമ്പതികൾ രാജ്യം വിട്ടു. നടപടിക്ക് ജില്ലാ ഭരണകൂടം തുനിഞ്ഞപ്പോൾ 13 ന് മുമ്പായി രാജ്യം വിട്ടുകൊളളാമെന്ന് ദമ്പതികളായ സെൽമാൻ ഫെനോറും യോഫ ഫെനോറും ഹൈകോടതിയെ അറിയിക്കുകയായിരുന്നു. ഇതേ തുട൪ന്നാണ് ചൊവ്വാഴ്ച പുല൪ച്ചെയുള്ള ഖത്ത൪ എയ൪വേസ് വിമാനത്തിൽ ഇവ൪ രാജ്യം വിട്ടത്. രാജ്യത്ത് അനധികൃതമായി ഇസ്രായേൽ പൗരന്മാ൪ തങ്ങുന്നുണ്ടോയെന്നതിനെക്കുറിച്ച് രഹസ്യാന്വേഷണ വിഭാഗം അന്വേഷണം നടത്തുന്നുണ്ട്. കൊച്ചിയിലെ ചില ഐ.ടി കമ്പനികളിൽ ഉദ്യോഗസ്ഥരായി ഇസ്രായേൽ സ്വദേശികളെത്തുന്നുണ്ട്. ഇവ൪ വിസ ചട്ടത്തിനെതിരായ ഏതെങ്കിലും പ്രവ൪ത്തനങ്ങളിൽ ഏ൪പ്പെടുന്നുണ്ടോയെന്നതിനെക്കുറിച്ചും നിരീക്ഷിക്കുന്നുണ്ട്.