നിയന്ത്രണം വിട്ട ലോറി ബസിന് പിറകിലിടിച്ച് 20 പേര്‍ക്ക് പരിക്ക്

മലപ്പുറം: നിയന്ത്രണം വിട്ട ലോറി സ്വകാര്യ ബസിൻെറ പിറകിലിടിച്ച് 20ൽ അധികം പേ൪ക്ക് പരിക്ക്. ഒരു മണിക്കൂ൪ കുടുങ്ങിക്കിടന്ന ലോറി ഡ്രൈവറെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. കോട്ടക്കൽ പുത്തൂ൪ ഇറക്കത്തിൽ ഇന്ന് രാവിലെ പത്തരയോടെയായിരുന്നു അപകടം. പട്ടാമ്പിയിൽ നിന്ന് പുലാമന്തോൾ - കൊളത്തൂ൪ -കോട്ടക്കൽ -കോഴിക്കോട് റൂട്ടിൽ സ൪വീസ് നടത്തുന്ന സ്വകാര്യ ബസിൻെറ പിറകിലാണ് ലോറിയിടിച്ചത്. ബസിലെ ഒട്ടേറെ യാത്രക്കാ൪ക്ക് നിസാര പരിക്കുണ്ട്. ലോറിക്കകത്ത് കുടുങ്ങിക്കിടന്ന ഡ്രൈവറെ ഒരു മണിക്കൂ൪ പണിപ്പെട്ടാണ് ഫയ൪ഫോഴ്സും പൊലീസും നാട്ടുകാരും ചേ൪ന്ന് പുറത്തെടുത്തത്. ഇയാളുടെ നില ഗുരുതരമാണ്.