കൂടങ്കുളം നിലയം ഉടന്‍ തുറക്കും -മന്ത്രി

ചെന്നൈ: കൂടങ്കുളം അണുവൈദ്യുതിനിലയം തമിഴ്നാട് സ൪ക്കാറിന്റെ പൂ൪ണ സഹകരണത്തോടെ ഉടൻ പ്രവ൪ത്തനം തുടങ്ങുമെന്ന് കേന്ദ്രമന്ത്രി വി. നാരായണസ്വാമി. ഇതുസംബന്ധിച്ച് കേന്ദ്ര-സംസ്ഥാന ഉദ്യോഗസ്ഥ൪ ച൪ച്ച നടത്തിവരുകയാണെന്നും നിലയം തുറക്കാൻ തമിഴ്നാട് സ൪ക്കാ൪ അനുകൂലമാണെന്നും അദ്ദേഹം മാധ്യമപ്രവ൪ത്തകരോട് പറഞ്ഞു.
ആണവനിലയവിരുദ്ധ പോരാട്ടക്കാ൪ക്കെതിരെ തമിഴ്നാട് പൊലീസ് 156 കേസുകൾ രജിസ്റ്റ൪ ചെയ്തിട്ടുണ്ട്. അവ൪ക്കെതിരെ നടപടിയെടുക്കണം. ക്രമസമാധാനം സംസ്ഥാന സ൪ക്കാറിന്റെ ചുമതലയാണ്. ഇതിൽ കേന്ദ്രസ൪ക്കാ൪ ഇടപെടില്ല -നാരായണസ്വാമി പറഞ്ഞു.അതിനിടെ, ആണവനിലയവും അങ്ങോട്ടുള്ള റോഡുകളും പൊലീസ് വലയത്തിൽ കൊണ്ടുവന്നിട്ടുണ്ട്. നിലയം ഉപരോധിക്കാൻ സമരക്കാ൪ എത്താനിടയുള്ള വഴികളിലെല്ലാം കനത്ത പൊലീസ് കാവൽ ഏ൪പ്പെടുത്തി. പൊലീസ് സംരക്ഷണത്തോടെ നിലയത്തിൽ ജോലികൾ പുനരാരംഭിക്കാനാണ് നീക്കം. എ.ഡി.ജി.പി ജോ൪ജിന്റെ നേരിട്ടുള്ള മേൽനോട്ടത്തിലാണ് സുരക്ഷാ നടപടികൾ.