Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightഅല്‍ സലാം സ്ട്രീറ്റ്...

അല്‍ സലാം സ്ട്രീറ്റ് ടണല്‍ തുറക്കുന്നത് വീണ്ടും നീട്ടി

text_fields
bookmark_border
അല്‍ സലാം സ്ട്രീറ്റ് ടണല്‍ തുറക്കുന്നത് വീണ്ടും നീട്ടി
cancel

അബൂദബി: അൽ സലാം സ്ട്രീറ്റ് വികസന പദ്ധതിയുടെ ഭാഗമായ മിഡിലീസ്റ്റിലെ ഏറ്റവും വലിയ ഭൂഗ൪ഭ ഗതാഗത ടണൽ പൊതുജനങ്ങൾക്ക് തുറന്ന് കൊടുക്കുന്നത് അബൂദബി മുനിസിപ്പാലിറ്റി അധികൃത൪ വീണ്ടും നീട്ടിവെച്ചു. അഞ്ച് ബില്യൻ ദി൪ഹം ചെലവ് വരുന്ന ടണൽ ഈ വ൪ഷമവസാനം തുറക്കും എന്നാണ് പറഞ്ഞിരുന്നതെങ്കിലും അടുത്ത വ൪ഷം ആദ്യപാദത്തിലേ ഉദ്ഘാടനം നടക്കുകയുള്ളൂയെന്ന് മുനിസിപ്പാലിറ്റി അധികൃതരെ ഉദ്ദരിച്ച് ‘അൽ ഖലീജ്’ പത്രം റിപ്പോ൪ട്ട് ചെയ്തു. ടണലിൻെറ 93 ശതമാനം ജോലികളും പൂ൪ത്തിയായിട്ടുണ്ട്. ചില സാങ്കേതിക കാരണങ്ങളും റസിഡൻഷ്യൽ ഏരിയകളിൽ നി൪മാണത്തിൽ നേരിടുന്ന ചില ബുദ്ധിമുട്ടുകളുമാണ് പദ്ധതി വൈകിപ്പിക്കുന്നത്. ടൂറിസ്റ്റ് ക്ളബ് ഏരിയയിലെ കെട്ടിടങ്ങളുടെ അടിയിലൂടെയുള്ള നി൪മാണ പ്രവ൪ത്തനങ്ങൾ പ്രതീക്ഷിച്ച വേഗത്തിലല്ല നീങ്ങുന്നതെന്ന് അധികൃത൪ വ്യക്തമാക്കി. തടസ്സങ്ങൾ നീക്കി 2012ൻെറ ആദ്യപാദത്തിൽ ടണൽ തുറന്ന് കൊടുക്കാനാകുമെന്നാണ് പ്രതീക്ഷയെന്ന് അവ൪ പറഞ്ഞു.
മൂന്ന് കിലോമീറ്റ൪ ദൈ൪ഘ്യമുള്ള അൽ സലാം സ്ട്രീറ്റ് വികസനം നാല് വ൪ഷം മുമ്പാണ് തുടങ്ങിയത്. പദ്ധതി പൂ൪ത്തിയായാൽ ഇരുദിശകളിലേക്കും മണിക്കൂറിൽ 6,000 വാഹനങ്ങൾക്ക് യാത്ര ചെയ്യാനാകുമെന്നാണ് പ്രതീക്ഷിക്കുന്നത്. സലാം സ്ട്രീറ്റ് പൂ൪ണമായി ഗതാഗതത്തിന് തുറന്ന് കൊടുക്കുന്നതോടെ നഗരപ്രാന്തത്തിലെ ശൈഖ് സായിദ് ബ്രിഡ്ജ് മുതൽ മിനാ സായിദ് വരെ ഒരു ട്രാഫിക് സിഗ്നലിൽപോലും പെടാതെ യാത്ര ചെയ്യാനാകും. നഗരത്തിലെ ഗതാഗത കുരുക്ക് വളരെ കുറക്കാൻ കഴിയുന്ന രീതിയിലാണ് പദ്ധതി വിഭാവനം ചെയ്തിരിക്കുന്നത്. അന്തരീക്ഷ മലിനീകരണം കുറയുന്നതോടെ പരിസ്ഥിതി സംരക്ഷണത്തിനും ഇത് വഴിയൊരുക്കും.
ടണൽ പൂ൪ത്തിയാകുന്നതോടെ ദുബൈയിൽ നിന്നും മറ്റ് എമിറേറ്റുകളിൽ നിന്നും വരുന്നവ൪ക്ക് വീതി കൂട്ടിയ റോഡിലൂടെയോ 15 മീറ്റ൪ താഴെയുള്ള ടണലിലൂടെയോ നഗരത്തിൽ പ്രവേശിക്കാനാകും. ഒരു ലക്ഷത്തോളം പേ൪ക്ക് താമസിക്കാനാകുന്ന റീം ഐലൻറിലേക്ക് പോകേണ്ടവ൪ക്ക് വലത്തേക്ക് തിരിഞ്ഞ് കോസ്വേ വഴി പോവുകയും ചെയ്യാം.
തലസ്ഥാന നഗരിയുടെ വടക്ക് കിഴക്കൻ പ്രവേശനഭാഗത്ത് നിന്ന് തുടങ്ങുന്ന ടണലിലൂടെ പോ൪ട്ട് സായിദിലേക്കും നഗരത്തിൻെറ തെക്കൻ പ്രദേശത്തുള്ള തീരദേശത്തേക്കുമാണ് പോകാൻ കഴിയുക. ഫിഷ് മാ൪ക്കറ്റ്, ഹാ൪ബ൪, ചച്ചക്കറി മാ൪ക്കറ്റ്, ഇറാനിയൻ ഫ്രീ പോ൪ട്ട്, കോഓപറേറ്റീവ് സൊസൈറ്റികൾ തുടങ്ങിയ സ്ഥലങ്ങളിലേക്കുള്ള എളുപ്പമാ൪ഗമാകും ഇത്. അൽ സലാം സ്ട്രീറ്റിൻെറ അടിയിലൂടെ പോകുന്ന ടണലിൻെറ തുടക്കത്തിൽ നിന്നുള്ള കോസ്വേയാണ് 900 ഹെക്ട൪ വിസ്തൃതിയുള്ള റീം ഐലൻറുമായി നഗരത്തെ ബന്ധിപ്പിക്കുക.
നാലായിരത്തിലേറെ തൊഴിലാളികൾ ആണ് മേഖലയിലെ ഏറ്റവും വലിയ അടിസ്ഥാനസൗകര്യ വികസന പദ്ധതിയുടെ നി൪മാണത്തിൽ ഉൾപ്പെട്ടിരിക്കുന്നത്. ദക്ഷിണ കൊറിയയിലെ സാംസങ് കൺസ്ട്രക്ഷൻ കമ്പനിയാണ് പദ്ധതിയുടെ മുഖ്യ കൺസൾട്ടൻറ്.

Show Full Article
TAGS:
Next Story