എലൈറ്റ് ആശുപത്രി സമരം ഒത്തുതീര്‍ന്നു

തൃശൂ൪: എലൈറ്റ് മിഷൻ ആശുപത്രിയിൽ യുനൈറ്റഡ് നഴ്സസ് അസോസിയേഷൻെറ (യു.എൻ.എ) നേതൃത്വത്തിൽ രണ്ടുദിവസമായി തുട൪ന്ന നഴ്സുമാരുടെ സമരം ഒത്തുതീ൪ന്നു. ജില്ലാ ലേബ൪ ഓഫിസ൪ എം.കെ.വേണുഗോപാൽ നടത്തിയ അനുരഞ്ജന ച൪ച്ചയിലാണ് പ്രശ്നം തീ൪ന്നത്.
പിരിച്ചുവിട്ട രണ്ട് പുരുഷനഴ്സുമാരടക്കം ബോണ്ടെഴുതി വാങ്ങിയ കരാ൪ ജീവനക്കാരുടെ സേവനം ആറുമാസം കൂടി നീട്ടി നൽകും. തുട൪ന്ന് ഒരുവ൪ഷം പൂ൪ത്തിയായവ൪ എന്ന പരിഗണന നൽകി ഇൻറ൪വ്യൂ നടത്തി എല്ലാവരെയും സ്ഥിരപ്പെടുത്തും. ഈ സന്ദ൪ഭത്തിൽ ഒരു പ്രതികാരനടപടിയും ഉണ്ടാവില്ളെന്ന് മാനേജ്മെൻറ് ഉറപ്പുനൽകി. ക്രിമിനൽ കേസുകളിൽ ഉൾപ്പെട്ടവരെ മാത്രമെ അയോഗ്യരാക്കുകയുള്ളൂ. രണ്ടുവ൪ഷം പൂ൪ത്തിയായവരെയെല്ലാം സ്ഥിരപ്പെടുത്തും.
സ൪ക്കാ൪ നിശ്ചയിച്ച അടിസ്ഥാനവേതനം ഹൈകോടതിയുടെ ഉത്തരവിന് വിധേയമായി മാ൪ച്ച് മുതൽ നടപ്പാക്കും. കോടതി വിധി എതിരാണെങ്കിൽ ഏപ്രിലിൽ യൂനിയൻ പ്രതിനിധികളുമായി ച൪ച്ച നടത്തി മുൻകാല പ്രാബല്യത്തോടെ വിതരണം ചെയ്യാമെന്നും മാനേജ്മെൻറ് സമ്മതിച്ചു.
ആവശ്യങ്ങൾ അംഗീകരിച്ച പശ്ചാത്തലത്തിൽ സമരം അവസാനിപ്പിക്കുകയാണെന്ന് യു.എൻ.എ ഭാരവാഹികൾ അറിയിച്ചു. നഴ്സുമാ൪ ആശുപത്രിപരിസരത്ത് വിജയാഹ്ളാദപ്രകടനം നടത്തി.