ഉഭയകക്ഷി സഹകരണത്തിന് പാക്-ചൈന കരാര്‍

ഇസ്ലാമാബാദ്: അമേരിക്കയുമായുള്ള ബന്ധത്തിൽ വിള്ളൽ വീണതിനെ തുട൪ന്ന് ചൈനീസ് പക്ഷത്തേക്ക് ചായുന്ന പാകിസ്താന് സഹായവാഗ്ദാനവുമായി ചൈനീസ് കൗൺസില൪ ദാഇ ബിൻഗു ഇസ്ലാമാബാദിലെത്തി. തന്ത്രപ്രധാനമായ കാരക്കോണം ഹൈവേ നവീകരിക്കുന്നതുൾപ്പെടെ സുപ്രധാന സഹകരണ കരാറുകളാണ് ദാഇയുടെ സന്ദ൪ശന വേളയിൽ ഇരു രാഷ്ട്രങ്ങളും ഒപ്പുവെച്ചത്. ഊ൪ജം, കാ൪ഷിക മേഖല, അടിസ്ഥാന സൗകര്യ വികാസം എന്നീ രംഗങ്ങളിലെ സഹകരണത്തിന് ദശലക്ഷക്കണക്കിന് ഡോളറുകളുടെ കരാറിലാണ് ഇരുപക്ഷവും ഒപ്പുവെച്ചത്. പാക് വിദേശ നയത്തിൻെറ ആണിക്കല്ലായാണ് ചൈന വ൪ത്തിക്കുന്നതെന്ന് അഭിപ്രായപ്പെട്ട പാക് പ്രധാനമന്ത്രി യൂസുഫ് റസാ ഗീലാനി ആഗോള മേഖലാ പ്രശ്നങ്ങളിൽ ഇരു രാജ്യങ്ങളും സമാന വീക്ഷണം പങ്കിടുന്നതായും വ്യക്തമാക്കി.