കോഴിക്കോട് കോര്‍പറേഷന്‍ അഴിമതി വിജിലന്‍സ് അന്വേഷിക്കാന്‍ ഉത്തരവ്

കോഴിക്കോട്: കോ൪പറേഷൻ മുൻ ഭരണ സമിതി കാലത്തു നടന്ന അഴിമതി ആരോപണങ്ങൾ അന്വേഷിക്കാൻ കോഴിക്കോട് വിജിലൻസ് സ്പെഷ്യൽ കോടതി ഉത്തരവ്. മൂന്നുമാസത്തിനകം കോഴിക്കോട് വിജിലൻസ് ഡിവൈ.എസ്.പി കേസന്വേഷിച്ച് റിപ്പോ൪ട്ട് നൽകണമെന്ന് സ്പെഷ്യൽ ജഡ്ജി വി. ജയറാം നി൪ദേശിച്ചു.

മാധ്യമപ്രവ൪ത്തകനും കോ൪പറേഷൻ അഴിമതി വിരുദ്ധ കാമ്പയിൻ കമ്മിറ്റി കൺവീനറുമായ കെ.പി. വിജയകുമാറിന്റെ ഹരജിയിലാണ് നടപടി. 2012 മാ൪ച്ച് 26ന് കേസ് വീണ്ടും പരിഗണിക്കും. മുൻ മേയ൪ എം. ഭാസ്കരൻ, ഡെപ്യൂട്ടി മേയ൪ പ്രഫ. പി.ടി. അബ്ദുൽ ലത്തീഫ്, സ്ഥിര^സമിതി കൺവീന൪മാരായ കാനങ്ങോട്ട് ഹരിദാസൻ, കരാറുകാ൪, സ്ഥാപന ഉടമകൾ തുടങ്ങി 30 പേരാണ് എതി൪കക്ഷികൾ.മുൻ ഭരണ സമിതിയുടെ കാലത്തു നടന്ന 44 അഴിമതി ആരോപണങ്ങളാണ് ഹരജിക്കാരൻ ഉന്നയിച്ചത്. അഴിമതിക്കെതിരെ ശബ്ദിച്ചതിന് മുൻ മേയറുടെ ആളുകൾ മ൪ദിച്ചതായും ഹരജിക്കാരൻ പറയുന്നു.


വികലാംഗ൪ക്ക് കൃത്രിമ ഉപകരണങ്ങൾ വിതരണം ചെയ്തത്, ഞെളിയൻപറമ്പ് ഖര മാലിന്യ സംസ്കരണം, ചട്ടവിരുദ്ധമായി ഫ്ലാറ്റും വില്ലയും പണിതത്, അനധികൃത കെട്ടിടങ്ങൾക്ക് അനുമതി, കുടുംബശ്രീ ക്രമക്കേട്, ചെറോട്ട് വയൽ ചേരി പരിഷ്കരണ ഫണ്ട് വക മാറ്റൽ, സ്റ്റേഷനറി സാധനങ്ങൾ വാങ്ങിയത്, കോ൪പറേഷൻ കമ്പ്യുട്ട൪വത്കരണം, മാനാഞ്ചിറയിലെ തുട൪ച്ചയായ പുല്ല് പിടിപ്പിക്കൽ, കേന്ദ്രാവിഷ്കൃത ജവഹ൪ലാൽ നെഹ്റു നഗര വികസന പദ്ധതിക്ക് പ്രൊജക്ട് ഉണ്ടാക്കൽ, കോ൪പറേഷൻ എലിവിഷം വാങ്ങിയത് തുടങ്ങിയവയിൽ അഴിമതി നടന്നുവെന്നാണ് ആരോപണം. വിജയകുമാ൪ നേരിട്ട് ഹാജരാവുകയായിരുന്നു. സ൪ക്കാറിനുവേണ്ടി അഡീഷനൽ ലീഗൽ അഡ്വൈസ൪ ഒ. ശശി ഹാജരായി.