Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightടെക്നിക്കല്‍ ഹൈസ്കൂള്‍ ...

ടെക്നിക്കല്‍ ഹൈസ്കൂള്‍ കായികമേള ജനുവരി ആറുമുതല്‍ കൊല്ലത്ത്

text_fields
bookmark_border
ടെക്നിക്കല്‍ ഹൈസ്കൂള്‍ കായികമേള ജനുവരി ആറുമുതല്‍ കൊല്ലത്ത്
cancel

കൊല്ലം: 29ാമത് സംസ്ഥാന ടെക്നിക്കൽ ഹൈസ്കൂൾ കായികമേള ജനുവരി ആറുമുതൽ എട്ടുവരെ കൊല്ലം ലാൽ ബഹാദൂ൪ ശാസ്ത്രി സ്റ്റേഡിയത്തിൽ നടക്കുമെന്ന് സംഘാടക സമിതി ഭാരവാഹികൾ വാ൪ത്താസമ്മേളനത്തിൽ അറിയിച്ചു. ആദ്യമായാണ് ടെക്നിക്കൽ ഹൈസ്കൂൾ കായികമേളക്ക് കൊല്ലം വേദിയാകുന്നത്.
39 ഗവ. ടെക്നിക്കൽ ഹൈസ്കൂളുകളും ഐ.എച്ച്.ആ൪.ഡിയുടെ നിയന്ത്രണത്തിലുള്ള ഒമ്പത് ഹയ൪സെക്കൻഡറി സ്കൂളുകളും ഉൾപ്പെടെ 48 സ്കൂളുകളിൽ നിന്നുള്ള കുട്ടികൾ മാറ്റുരക്കും. 54 ഇനങ്ങളിലായി 1500 ഓളം കുട്ടികൾ മേളയിൽ പങ്കെടുക്കുമെന്നാണ് പ്രതീക്ഷ.
എഴുകോൺ ടെക്നിക്കൽ ഹൈസ്കൂളിൻെറ ആതിഥേയത്വത്തിലാണ് ലാൽബഹാദൂ൪ ശാസ്ത്രി സ്റ്റേഡിയത്തിൽ ഇത്തവണമേള നടക്കുന്നത്. ഉദ്ഘാടനം ആറിന് വൈകുന്നേരം ആറിന് വിദ്യാഭ്യാസമന്ത്രി പി.കെ. അബ്ദുറബ്ബ് നി൪വഹിക്കും.
സ്വാഗതസംഘം രൂപവത്കരിച്ചതായും 13 സബ് കമ്മിറ്റികളെ ചുമതലപ്പെടുത്തിയതായും സംഘാടക൪ പറഞ്ഞു. വാ൪ത്താസമ്മേളനത്തിൽ സ്വാഗതസംഘം ചെയ൪മാൻ അഡ്വ. പി. ഐഷാപോറ്റി എം.എൽ.എ, ഭാരവാഹികളായ പ്രസന്നൻ, ഗോപിനാഥൻ, മോഹനൻപിള്ള, ജയചന്ദ്രൻ എന്നിവ൪ പങ്കെടുത്തു.

Show Full Article
TAGS:
Next Story