നടക്കാവില്‍ വാഹനങ്ങളുടെ കൂട്ടയിടി

താനൂ൪: താനൂ൪ നടക്കാവിൽ വാഹനങ്ങളുടെ കൂട്ടയിടി. വെള്ളിയാഴ്ച ഉച്ചക്ക് ഒന്നോടെ നടക്കാവ് ജുമാമസ്ജിദിന് സമീപമാണ് സംഭവം. താനൂരിൽനിന്ന് മൂലക്കൽ വഴി തിരൂരിലേക്ക് പോവുന്ന ‘പ്രിയ’ ബസ് നി൪ത്തിയിട്ട പിക്കപ്പ് വാനിൽ ഇടിച്ചതിനെ തുട൪ന്നാണ് കൂട്ടയിടി നടന്നത്. ബസിടിച്ച പിക്കപ്പ് വാൻ നി൪ത്തിയിട്ട നാല് ഓട്ടോകളെ മറിച്ചിട്ടു. ഓട്ടോകൾ അരികിൽ നി൪ത്തിയിട്ട ഏഴോളം ബൈക്കുകളെയും മറിച്ചിട്ടു. ബസിൻെറ മുൻഭാഗം തക൪ന്നു. യാത്രക്കാ൪ക്ക് പരിക്കില്ല. നമസ്കാര സമയമായത്കൊണ്ടും റോഡിൽ ആളില്ലാത്തത് കൊണ്ടും ആളപായം സംഭവിച്ചില്ല. മാസങ്ങൾക്ക് മുമ്പാണ് ബൈക്ക് യാത്രക്കാരനായ താനൂരിലെ ലോട്ടറി വ്യാപാരി ഈ ഭാഗത്ത് വാഹനാപകടത്തിൽ മരിച്ചത്.