ദേശീയപാതയില്‍ ഓട്ടോക്ക് പിറകില്‍ ബസിടിച്ച് അപകടം

തേഞ്ഞിപ്പലം: യൂനിവേഴ്സിറ്റിക്ക് സമീപം ദേശീയപാതയിലെ ചെട്ടിയാ൪ മാടിൽ ഓട്ടോക്ക് പിറകിൽ ബസിടിച്ച് യാത്രക്കാ൪ക്ക് പരിക്ക്. ഓട്ടോ യാത്രക്കാരായ കൊണ്ടോട്ടി സ്വദേശി സിദ്ദീഖ് (40), ഭാര്യ ഖമറുന്നിസ(31), മക്കളായ ഷഹ്ല ഷറിൻ (ആറ്), മുഹമ്മദ് സുഹൈൽ(10) എന്നിവ൪ക്കാണ് പരിക്കേറ്റത്. ഇവരെ ഫറോക്ക് സ്വകാര്യ ആശുപത്രിയിൽ പ്രവേശിപ്പിച്ചു. നിസ്സാര പരിക്കേറ്റ ബസ് യാത്രക്കാരെ പ്രഥമ ശുശ്രൂഷ നൽകി വിട്ടയച്ചു . തൃശൂരിൽനിന്ന് കാസ൪ക്കോട്ടേക്ക് പോയ ഗീത സ്വകാര്യ ബസാണ് ഓട്ടോയിലിടിച്ചത്. ഇടിയുടെ ആഘാതത്തിൽ ഓട്ടോ മറിഞ്ഞു. പിൻഭാഗം പൂ൪ണമായി തക൪ന്നു. യൂനിവേഴ് സിറ്റി ഭാഗത്ത്നിന്ന് രാമനാട്ടുകരയിലേക്ക് പോവുകയായിരുന്നു ഓട്ടോ.