ലോക്പാല്‍: അനിശ്ചിതത്വം ബാക്കി

ന്യൂദൽഹി: നീണ്ട അനിശ്ചിതാവസ്ഥകൾക്കു ശേഷം പാ൪ലമെൻറിൽ അവതരിപ്പിച്ച ലോക്പാൽ ബിൽ നടപ്പുസമ്മേളനത്തിൽ പാസാക്കാനാവുമോ എന്നതിൽ സംശയമുയ൪ന്നു. ബില്ലിലെ നി൪ദേശങ്ങളും അതിൻെറ ഭരണഘടനാ സാധുതയും സംബന്ധിച്ച് പാ൪ട്ടികൾക്കിടയിൽ കടുത്ത അഭിപ്രായ ഭിന്നത നിലനിൽക്കുന്നതാണ് പ്രധാന തടസ്സം. ഈ മാസം 27നാണ് ലോക്സഭ ബിൽ ച൪ച്ചക്കെടുക്കുക.
തൊട്ടടുത്ത ദിവസമെങ്കിലും ച൪ച്ച പൂ൪ത്തിയാക്കി ബിൽ പാസാക്കിയിരിക്കണം. തുട൪ന്ന് രാജ്യസഭയിലും ബിൽ അവതരിപ്പിച്ച് ഇതേ പ്രക്രിയ പൂ൪ത്തിയാക്കണം.സുപ്രധാനമായ ഭരണഘടനാ ഭേദഗതി ബിൽ ഇങ്ങനെ തിരക്കിട്ട് പാസാക്കേണ്ട ഒന്നല്ളെന്ന അഭിപ്രായമാണ് മിക്ക പാ൪ട്ടികളും പ്രകടിപ്പിക്കുന്നതും.

പഴയ ബിൽ പിൻവലിച്ചിരിക്കെ, പുതിയത് വീണ്ടും സ്റ്റാൻറിങ് കമ്മിറ്റിക്കു തന്നെ വിടണമെന്ന ആവശ്യം ശക്തമായി ഉന്നയിക്കപ്പെടും. അങ്ങനെ വന്നാൽ ബജറ്റ് സമ്മേളനത്തിലേക്ക് ബിൽ മാറ്റിവെക്കുകയല്ലാതെ സ൪ക്കാറിനു മുന്നിൽ മറ്റു വഴിയുണ്ടാകില്ല.
ലോക്പാൽ സമിതിയിലെ ന്യൂനപക്ഷ ക്വോട്ടയെ ശക്തമായി എതി൪ക്കുമെന്ന് ബി.ജെ.പി വ്യക്തമാക്കിയിട്ടുണ്ട്. സി.ബി.ഐയുടെ ഭരണപരമായ നിയന്ത്രണം സ൪ക്കാറിൽനിന്ന് ലോക്പാലിന് കൈമാറണമെന്നു വാദിക്കുന്ന പാ൪ട്ടി, സംസ്ഥാനങ്ങൾക്കു മേൽ ലോകായുക്ത നിയമം അടിച്ചേൽപിക്കുന്ന വ്യവസ്ഥയെയും എതി൪ക്കുന്നു.

ലോക്പാൽ സംവിധാനം ഉപയോഗിച്ച് രാഷ്ട്രീയക്കാരെ നേരിടാനുള്ള സാധ്യതയുണ്ടെന്ന ആശങ്കയാണ് സമാജ്വാദി പാ൪ട്ടിക്കുള്ളത്. പ്രധാനമന്ത്രിയെ ലോക്പാലിൽനിന്ന് മാറ്റിനി൪ത്തണമെന്നും പാ൪ട്ടി ആവശ്യപ്പെടുന്നു. ലോക്പാൽ നിയമം കൂടുതൽ കരുത്തുറ്റതാക്കണമെന്ന നിലപാടാണ് ബി.എസ്.പിയുടേത്. യുനൈറ്റഡ് ജനതാദൾ, ഡി.എം.കെ, എ.ഐ.എ.ഡി.എം.കെ, ടി.ഡി.പി എന്നീ കക്ഷികൾ ലോകായുക്തക്ക് നി൪ബന്ധിത പദവി നൽകുന്നതിന് എതിരാണ്. ഫെഡറൽ സംവിധാനത്തെ അതു തക൪ക്കുമെന്നാണ് അവ൪ വ്യക്തമാക്കുന്നത്. എന്നാൽ ശക്തമായ അഴിമതിവിരുദ്ധ നിയമം ആവശ്യമാണെന്നു പറയുന്ന തൃണമൂൽ ന്യൂനപക്ഷ ക്വോട്ട ഉൾപ്പെടെ എല്ലാ ബിൽ വ്യവസ്ഥകളെയും പിന്തുണക്കും.

താഴേത്തട്ടിലെ സ൪ക്കാ൪ ജീവനക്കാരെ ബില്ലിൻെറ പരിധിയിൽ കൊണ്ടുവരിക, കോ൪പറേറ്റ് മേഖലയെക്കൂടി ബില്ലിൽ ഉൾപ്പെടുത്തുക, സി.ബി.ഐയെ സ൪ക്കാ൪ നിയന്ത്രണത്തിൽനിന്ന് തീ൪ത്തും വിമുക്തമാക്കുക എന്നീ ആവശ്യങ്ങളാണ് സി.പി.എം ഉൾപ്പെടെ ഇടതു പാ൪ട്ടികളുടേത്.
ലോക്പാൽ എന്ന ആശയത്തെത്തന്നെ തങ്ങൾ എതി൪ക്കുമെന്നാണ് എൻ.ഡി.എ ഘടകകക്ഷിയായ ശിവസേന വ്യക്തമാക്കുന്നത്. ആ൪.ജെ.ഡിയുടെ നിലപാടും വ്യത്യസ്തമല്ല. ധിറുതിപിടിച്ച ലോക്പാൽ നിയമം പാടില്ളെന്നും പ്രധാനമന്ത്രിയെയും മുൻ എം.പിമാരെയും ബില്ലിൻെറ പരിധിയിൽ കൊണ്ടുവരാൻ പാടില്ളെന്നുകൂടി ആ൪.ജെ.ഡി വാദിക്കുന്നു.

സംസ്ഥാനങ്ങളിൽ ലോകായുക്ത നടപ്പാക്കാനുള്ള ബിൽ വ്യവസ്ഥ ഭാവിയിൽ നിയമപരമായും ചോദ്യം ചെയ്യപ്പെടാൻ സാധ്യത ഏറെയാണ്. കേരളം ഉൾപ്പെടെ പല സംസ്ഥാനങ്ങളിലും ഇപ്പോൾതന്നെ ലോകായുക്ത സംവിധാനമുണ്ട്. ഭരണഘടനാ ഭേദഗതി പാസാകണമെങ്കിൽ സഭയിൽ മൂന്നിൽ രണ്ട് ഭൂരിപക്ഷം വേണമെന്നിരിക്കെ, പാ൪ട്ടികൾക്കിടയിൽ സമവായം ഉണ്ടാക്കാതെ വോട്ടെടുപ്പിന് ഇറങ്ങിത്തിരിക്കാൻ സ൪ക്കാറിനും എളുപ്പമല്ല. ലോക്പാൽ ഭരണ സമിതി അംഗങ്ങളിൽ 50 ശതമാനം ദു൪ബല, പിന്നാക്ക, ന്യൂനപക്ഷ വിഭാഗങൾക്ക് നീക്കിവെക്കാനുള്ള നീക്കം സംബന്ധിച്ചും പാ൪ട്ടികൾക്കിടയിൽ ഭിന്നത ശക്തമാണ്. അഴിമതിക്കെതിരായ അന്വേഷണ സമിതിയിൽ തൊഴിൽ മാതൃകയിൽ സംവരണം ഏ൪പ്പെടുത്തുന്നതിനെയും വിദഗ്ധ൪ ചോദ്യം ചെയ്യുന്നു. എന്നാൽ, സംവരണമല്ല മറിച്ച് വിവിധ വിഭാഗങ്ങളുടെ പ്രാതിനിധ്യമാണ് തങ്ങൾ ലക്ഷ്യം വെക്കുന്നതെന്നാണ് സ൪ക്കാ൪ ഇതിനു നൽകുന്ന വിശദീകരണം.