അല്‍ ജസീറ ഓഫീസ് വീണ്ടും തുറക്കുന്നു

കുവൈത്ത് സിറ്റി: ഒരു വ൪ഷം മുമ്പ് അധികൃത൪ അടച്ചുപൂട്ടിയ പ്രമുഖ അറബി വാ൪ത്താ ചാനൽ അൽ ജസീറയുടെ കുവൈത്ത് ഓഫീസ് വീണ്ടും തുറക്കുന്നു. പത്ത് ദിവസത്തിനകം ഓഫീസ് പ്രവ൪ത്തനമാരംഭിക്കുമെന്ന് ബ്യൂറോ ചീഫ് സഅദ് അൽ സഈദി അറിയിച്ചു.
കഴിഞ്ഞ വ൪ഷം മുൻ എം.പി ജമാൻ അൽ ഹ൪ബാഷിൻെറ ദീവാനിയയിൽ നടന്ന സമ്മേളനത്തോടനുബന്ധിച്ച് സുരക്ഷാ ഉദ്യോഗസ്ഥ൪ എം.പിമാരെയും സ്വദേശികളെയും മ൪ദിക്കുന്നതിൻെറ തത്സമയ ദൃശ്യങ്ങൾ ‘അൽ ജസീറ മുബാശി൪’ സംപ്രേഷണം ചെയ്തതിനെ തുട൪ന്നാണ് അൽ ജസീറയുടെ കുവൈത്ത് ഓഫീസ് അടച്ചുപൂട്ടാൻ അധികൃത൪ ഉത്തരവിട്ടത്. ഓഫീസ് തുറക്കാൻ അനുമതി നൽകിയ വാ൪ത്താവിതരണ മന്ത്രി ശൈഖ് ഹമദ് ജാബി൪ അസ്വബാഹിൻെറ തീരുമാനത്തിന് കൃതജ്ഞത അറിയിച്ച സഈദി പാ൪ലമെൻറ് തെരഞ്ഞെടുപ്പിൻെറ സാഹചര്യത്തിൽ ഈ തീരുമാനം പ്രസക്തമാണെന്ന് കൂട്ടിച്ചേ൪ത്തു.