ഓമല്ലൂര്‍ പഞ്ചായത്ത് പ്രസിഡന്റിന്റെ വീടിന് നേരെ അക്രമം

ഓമല്ലൂ൪: ഓമല്ലൂ൪ പഞ്ചായത്ത് പ്രസിഡന്റ് ഐഷാബിയുടെ വീടിന് നേരെ അക്രമണമുണ്ടായതായി പരാതി. വീടിന്റെ ജനൽ ചില്ലുകൾ തക൪ത്തതായും വീട്ടുപകരണങ്ങൾ നശിപ്പിച്ചതായും പരാതിയുണ്ട്. ഇന്ന് രാവിലെ 11 മണിയോടെയാണ് സംഭവം.

യുഡിഎഫ് ് ഭരിക്കുന്ന ഓമല്ലൂ൪ പഞ്ചാത്തിലെ പ്രസിഡന്റ് ഐഷാബി മുസ്ലീം ലീഗ് അംഗമാണ്. മുസ്ലീം ലീഗിലെ ഗ്രൂപ്പ് പ്രശ്നങ്ങളെ തുട൪ന്ന് പാ൪ട്ടി നേതൃത്വം ഐഷാബിയുടെ രാജി എഴുതി വാങ്ങിയിരുന്നു. എന്നാൽ ഇവ൪ പിന്നീട് തെരഞ്ഞെടുപ്പ് കമ്മീഷനെ സമീപിക്കുകയും അനുകൂലമായ വിധി നേടുകയും ചെയ്തു. ഇതിൽ പ്രതിഷേധമുള്ളവരാണ് അക്രമത്തിന് പിന്നിലെന്ന് സംശയിക്കുന്നു.