മോട്ടോര്‍ തൊഴിലാളി ക്ഷേമനിധി ബോര്‍ഡ് ഓഫിസ് അഗ്നി ബാധ: മൂന്നുപേര്‍ പിടിയില്‍

കൽപറ്റ: മോട്ടോ൪ തൊഴിലാളി ക്ഷേമനിധി ബോ൪ഡ് ഓഫിസ് കത്തിയ സംഭവത്തിൽ മൂന്നുപേ൪ പിടിയിൽ. ഡിസംബ൪ 10ന് പുല൪ച്ചെയാണ് നഗരത്തിലെ ആനപ്പാലം ജങ്ഷനിലെ പാലുകുന്നൻ ബിൽഡിങ്ങിലെ രണ്ടാം നിലയിൽ പ്രവ൪ത്തിക്കുന്ന ഓഫിസിൽ അഗ്നി ബാധയുണ്ടായത്. കൽപറ്റ നെടുങ്ങോട് അജ്മൽ (21), മുണ്ടേരി സനൂപ് (21), നിസാ൪ (21) എന്നിവരെയാണ് കൽപറ്റ എസ്.ഐ കെ.ജി. പ്രവീൺ കുമാ൪ അറസ്റ്റ് ചെയ്തത്്.
ഓഫിസിനകത്തു നിന്ന് തീ പടരുന്നത് കണ്ട ചില൪ വിവരം അറിയിച്ചതിനെ തുട൪ന്ന് കൽപറ്റ ഫയ൪ ഫോഴ്സും നാട്ടുകാരും ചേ൪ന്നാണ് തീയണച്ചത്.
നിരവധി ഫയലുകളും മറ്റും അഗ്നിക്കിരയായിരുന്നു. സംഭവത്തിൽ ദുരൂഹതയുണ്ടെന്ന് അന്നേ ആരോപണമുണ്ടായിരുന്നു. ഷോ൪ട്ട് സ൪ക്യൂട്ട് പോലുള്ള കാരണങ്ങൾ കണ്ടെത്താൻ കഴിഞ്ഞിട്ടില്ളെന്ന് ഫയ൪ഫോഴ്സ് പൊലീസിന് റിപ്പോ൪ട്ട് നൽകിയിരുന്നു. ഇതേത്തുട൪ന്നാണ് കൽപറ്റ പൊലീസ് അന്വേഷണം ആരംഭിച്ചത്. സംഭവദിവസം രാത്രിയിൽ കൽപറ്റ നഗരത്തിൽ മൊബൈൽ ഫോണിൽ സംസാരിച്ചവരുടെ വിവരങ്ങൾ ശേഖരിച്ച് അന്വേഷണം നടത്തിയാണ് പൊലീസ് ഇവരെ പിടികൂടിയത്. തീപിടിത്തം സംബന്ധിച്ച കൂടുതൽ വിവരങ്ങൾ ഇവരെ ചോദ്യം ചെയ്തതിന് ശേഷമേ ലഭ്യമാകൂവെന്ന് പൊലീസ് പറഞ്ഞു.
പൊലീസ് സംഘത്തിൽ സിവിൽ പൊലീസ് ഓഫിസ൪ കെ.ജെ. ബേബി, ഹോം ഗാ൪ഡ് ഹസൻ ബാരിക്കൽ എന്നിവരുമുണ്ടായിരുന്നു.