Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightഇന്ത്യയിലേക്ക് ഇനി...

ഇന്ത്യയിലേക്ക് ഇനി ഓണ്‍ലൈനില്‍ വിസക്ക് അപേക്ഷിക്കാം

text_fields
bookmark_border
ഇന്ത്യയിലേക്ക് ഇനി ഓണ്‍ലൈനില്‍ വിസക്ക് അപേക്ഷിക്കാം
cancel

റിയാദ്: ഇന്ത്യയിലേക്കുള്ള സന്ദ൪ശക, ടൂറിസ്റ്റ് വിസകൾക്ക് ഇനി ഓൺലൈനിൽ അപേക്ഷിക്കാം. അടുത്തവ൪ഷം ജനുവരി ഒന്ന് മുതൽ കടലാസ് രൂപത്തിലുള്ള വിസാ അപേക്ഷകൾ നിരസിക്കാനും കേന്ദ്ര ഗവൺമെൻറ് തീരുമാനമെടുത്തിട്ടുണ്ട്. ഇന്ത്യൻ വിസ കിട്ടാൻ വിദേശികൾ www.indianvisaonline.gov.in/visa/ എന്ന വെബ്സൈറ്റിലാണ് വിവരങ്ങൾ നൽകേണ്ടത്. ഇന്ത്യൻ വിദേശകാര്യ മന്ത്രാലയത്തിൻെറ ഈ പ്രത്യേക വെബ്സൈറ്റിലൂടെ ലോകത്തെവിടെനിന്നും ആവശ്യപ്പെട്ട വിവരങ്ങൾ നൽകി വിസക്ക് വേണ്ടിയുള്ള നടപടിക്രമങ്ങൾ തുടങ്ങാൻ കഴിയും. അതാത് രാജ്യങ്ങളിലെ ഇന്ത്യൻ എംബസികളും കോൺസുലേറ്റുകളും ഇതിനുവേണ്ട സൗകര്യമൊരുക്കും.
പരീക്ഷണാ൪ഥം ഈ വ൪ഷം ഒക്ടോബ൪ 18 മുതൽ യു.എ.ഇയിലേയും ഈ മാസം 17 മുതൽ ജിദ്ദയിലേയും ഇന്ത്യൻ കോൺസുലേറ്റുകളിൽ ഓൺലൈൻ സംവിധാനം നടപ്പാക്കി തുടങ്ങിയിട്ടുണ്ട്. ഓൺലൈൻ സമ്പ്രദായം പൂ൪ണാ൪ഥത്തിൽ നടപ്പാവുന്നതുവരെ എംബസികളിലും കോൺസുലേറ്റുകളിലും നേരിട്ടെത്തി അപേക്ഷിക്കാൻ കഴിയുന്ന നിലവിലെ സമ്പ്രദായവും തുടരും. വിവരങ്ങൾ രേഖപ്പെടുത്തി അപേക്ഷ ഓൺലൈനിൽ സമ൪പ്പിച്ചാലുടൻ മറുപടിയായി 12 അക്ക ഫയൽ നമ്പ൪ കിട്ടും. സേവ് ചെയ്തോ പ്രിൻറൗട്ട് എടുത്തോ സൂക്ഷിക്കാൻ കഴിയും. ഈ ഫയൽ നമ്പ൪ തൊട്ടടുത്തുള്ള ഇന്ത്യൻ മിഷൻെറ ഒൗട്ട് സോഴ്സിങ് ഏജൻസിയിൽ ആവശ്യമായ ഒൗദ്യോഗിക രേഖകളോടും സ൪ട്ടിഫിക്കേറ്റുകളോടുമൊപ്പം ഹാജരാക്കണം. ഒൗട്ട് സോഴ്സിങ് ഏജൻസികളെ കുറിച്ച് അറിയാൻ അതാതിടങ്ങളിലെ ഇന്ത്യൻ മിഷനുകളുമായി ബന്ധപ്പെടാനാണ് നി൪ദേശം. ഒൗട്ട് സോഴ്സിങ് ഏജൻസിയിലെത്തിയും ഓൺലൈനിൽ അപേക്ഷിക്കാനുള്ള അവസരവുമുണ്ട്. ആവശ്യമായ സഹായങ്ങൾ അവ൪ നൽകാൻ ബാധ്യസ്ഥരാണെന്നും ബന്ധപ്പെട്ട വൃത്തങ്ങൾ അറിയിച്ചു. ഇന്ത്യയിലേക്കുള്ള സന്ദ൪ശക വിസ, ടൂറിസ്റ്റ് വിസ, ബിസിനസ് വിസ തുടങ്ങി എല്ലാത്തരം വിസകൾക്കും ഓൺലൈൻ സമ്പ്രദായം നി൪ബന്ധമാക്കുകയാണ്.

Show Full Article
TAGS:
Next Story