ആയുധങ്ങളുമായി യുവാക്കള്‍ പിടിയില്‍

വിഴിഞ്ഞം: മാരകായുധങ്ങളുമായി യുവാക്കൾ പിടിയിൽ. വിഴിഞ്ഞം, തൈവിളാകം ക്ഷേത്രത്തിന് സമീപം ബ്രൂസിലി എന്ന ബിജു (26), മണക്കാട് കരിയാട്ട്കാട്ടിൽ അരുൺ എന്ന വിനോദ്കുമാ൪ (24), വിഴിഞ്ഞം തൈവിളാകത്തിൽ സുഗുണൻ (22) എന്നിവരെയാണ് വിഴിഞ്ഞം പൊലീസ് അറസ്റ്റ് ചെയ്തത്.
വിഴിഞ്ഞം ബസ്സ്റ്റാൻഡിന് സമീപം സംശയാസ്പദമായ സാഹചര്യത്തിൽ കണ്ട ഒമ്നിവാൻ പരിശോധിച്ചപ്പോഴാണ് പ്രതികൾ പിടിയിലായത്. വാനിൽ നിന്ന് വാൾ, വെട്ടുകത്തി, ഉളി എന്നിവ കണ്ടെടുത്തതായി വിഴിഞ്ഞം പൊലീസ് പറഞ്ഞു. പ്രതികൾക്കെതിരെ ഫോ൪ട്ട്, കോവളം സ്റ്റേഷനുകളിൽ നിരവധി കേസുകൾ ഉള്ളതായി പൊലീസ് പറഞ്ഞു. കോടതിയിൽ ഹാജരാക്കി റിമാൻഡ് ചെയ്തു.
ഫോ൪ട്ട് എ.സി രാധാകൃഷ്ണൻ, വിഴിഞ്ഞം സി.ഐ ദിനിൽ, എസ്.ഐ അജിത്ചന്ദ്രൻനായ൪ എന്നിവരുടെ നേതൃത്വത്തിലായിരുന്നു അറസ്റ്റ്.