ബസുകള്‍ കൂട്ടിയിടിച്ച് 40 പേര്‍ക്ക് പരിക്ക്

നീലേശ്വരം: കെ.എസ്.ആ൪.ടി.സി ബസ് സ്വകാര്യ ബസിലിടിച്ച് 40ഓളം പേ൪ക്ക് പരിക്ക്. തിങ്കളാഴ്ച ഉച്ചക്ക് 2.30ഓടെ നീലേശ്വരം കരുവാച്ചേരി വളവിൽ പയ്യന്നൂ൪ ഭാഗത്തേക്ക് പോവുകയായിരുന്ന കെ.എസ്.ആ൪.ടി.സി ബസ് കാഞ്ഞങ്ങാട്ടുനിന്ന് വെള്ളച്ചാൽ വഴി പയ്യന്നൂരിലേക്ക് പോവുകയായിരുന്ന ടി.കെ ഡീലക്സ് ബസിൽ ഇടിച്ചാണ് അപകടം . പരിക്കേറ്റ 40 പേരെയും നീലേശ്വരം തേജസ്വിനി സഹ. ആശുപത്രിയിൽ പ്രവേശിപ്പിച്ചു.
സ്റ്റോപ്പിൽ പെട്ടെന്ന് നി൪ത്തിയ സ്വകാര്യബസിൽ കെ.എസ്.ആ൪.ടി.സി ബസ് ഇടിക്കുകയായിരുന്നുവെന്ന് പരിക്കേറ്റവ൪ പറഞ്ഞു. തൃക്കരിപ്പൂ൪ എം.എൽ.എ കെ. കുഞ്ഞിരാമൻ, സി.ഐ.ടി.യു ജില്ലാ പ്രസിഡൻറ് കെ. ബാലകൃഷ്ണൻ എന്നിവ൪ പരിക്കേറ്റവരെ സന്ദ൪ശിച്ചു.