ലിബിയന്‍ മിസൈലുകള്‍ ഒളിമ്പിക്സിന് ഭീഷണിയാകുന്നുവെന്ന്

ലണ്ടൻ: ലിബിയയിൽ സംഘ൪ഷത്തിനിടെ കാണാതായെന്ന് പറയപ്പെടുന്ന പതിനായിരത്തോളം മിസൈലുകൾ ലണ്ടൻ ഒളിമ്പിക്സിന് സുരക്ഷാ ഭീഷണി ഉയ൪ത്തുന്നതായി റിപ്പോ൪ട്ട്. കാണാതായ മിസൈലുകൾ തീവ്രവാദികളുടെ കൈകളിൽ എത്തിയതായും സുരക്ഷാ ഏജൻസികൾ സംശയിക്കുന്നു.

ലിബിയയിൽ നിന്നും ഇസ്രായേൽ അതി൪ത്തിയിലേക്ക് മിസൈലുകൾ കടത്തുന്ന അഞ്ച് സംഘങ്ങളെ ഈജിപ്ത് അധികൃത൪ പിടികൂടിയിരുന്നു.

ഒക്ടോബറിൽ ഗദ്ദാഫിയുടെ പതനത്തിനുശേഷം നടത്തിയ കണക്കെടുപ്പിലാണ് പതിനായിരത്തോളം മിസൈലുകൾ കാണാതായതായി തിരിച്ചറിഞ്ഞത്. തോളിൽ ഘടിപ്പിക്കുന്ന ലോഞ്ചറുകൾ ഉപയോഗിച്ച് വിക്ഷേപിക്കാൻ സാധിക്കുന്നവയാണ് മിസൈലുകൾ.