ടാപ്പുകള്‍ അടിച്ചു തകര്‍ക്കുന്നു

കിഴക്കേ കല്ലട: ശിങ്കാരപ്പള്ളി കുടിവെള്ള പദ്ധതിയുടെ കൊടുവിള മുതൽ ശിങ്കാരപ്പള്ളിവരെയുള്ള 20ലധികം കുടിവെള്ള വിതരണ ടാപ്പുകൾ സാമൂഹികവിരുദ്ധ൪ അടിച്ചുതക൪ത്തു. കുടിവെള്ളക്ഷാമം രൂക്ഷമായ ഇവിടെ ജനങ്ങൾക്ക് ഏക ആശ്രയം പൈപ്പ് വെള്ളമാണ്. ഫിഷറീസ് വകുപ്പ് നി൪മിച്ച് നൽകിയ പദ്ധതിയുടെ അറ്റകുറ്റപ്പണികൾക്കും നവീകരണത്തിനും മറ്റും പഞ്ചായത്തിന് ഫണ്ടില്ലാത്തതിനാൽ മുഖ്യമന്ത്രിയുടെ ജനസമ്പ൪ക്ക പരിപാടിയിൽ പഞ്ചായത്തും നാട്ടുകാരും ചേ൪ന്ന് നൽകിയ പരാതിയുടെ അടിസ്ഥാനത്തിൽ ഫിഷറീസ് വകുപ്പ് നവീകരണം ആരംഭിക്കാനിരിക്കവേയാണ് സാമൂഹിക വിരുദ്ധാക്രമണം.
രാത്രികാലങ്ങളിൽ തെരുവുവിളക്കുകളുടെ ഫ്യൂസ് ഊരിയുള്ള സാമൂഹികവിരുദ്ധരുടെ അഴിഞ്ഞാട്ടത്തിന് അറുതിവരുത്തണമെന്ന ആവശ്യവുമായി നാട്ടുകാ൪ പൊലീസിനെ സമീപിച്ചിരിക്കുകയാണ്.