ഫുട്ബാള്‍ മത്സരത്തിനിടെ യുവാവിന് കുത്തേറ്റു; നാലുപേര്‍ക്കെതിരെ കേസ്

തിരൂരങ്ങാടി: കൊടിഞ്ഞി ജനകീയ ഫ്ളഡ്ലിറ്റ് ഫുട്ബാൾ ടൂ൪ണമെൻറിൽ കളി കാണുന്നതിനിടെ യുവാവിന് കുത്തേറ്റു. നന്നമ്പ്ര തെയ്യാല ഞാറക്കാട്ടിൽ ഷമീലിനാണ് (25) കുത്തേറ്റത്. വെള്ളിയാഴ്ച രാത്രിയാണ് സംഭവം. ഇയാൾ കോട്ടക്കലിലെ സ്വകാര്യാശുപത്രിയിൽ ചികിത്സയിലാണ്. സംഭവത്തിൽ നാലുപേ൪ക്കെതിരെ തിരൂരങ്ങാടി പൊലീസ് വധശ്രമത്തിന് കേസെടുത്തു. പന്താരങ്ങാടി പതിനാറുങ്ങൽ സ്വദേശികളായ ഫവാസ്, യഅ്കൂബ്, കൊടിഞ്ഞി സ്വദേശി സലിം, കണ്ടാലറിയാവുന്ന മറ്റൊരാൾ എന്നിവ൪ക്കെതിരെയാണ് കേസ്. ഷമീലിൻെറ സഹോദരനോടുള്ള വിരോധമാണ് അക്രമത്തിന് കാരണമെന്ന് പൊലീസ് പറഞ്ഞു.