എരുമേലി വലിയമ്പലത്തിലെ വെടിവഴിപാട് കൗണ്ടര്‍ പൂട്ടി

എരുമേലി: ജീവനക്കാരന് പൊള്ളലേറ്റ സംഭവം വിവാദമായതിനെത്തുട൪ന്ന് എരുമേലി വലിയമ്പലത്തിലെ വെടിവഴിപാട് കൗണ്ട൪ അടച്ചുപൂട്ടി. വെള്ളിയാഴ്ച രാവിലെയാണ് കരാറുകാരൻ കൗണ്ട൪ അടച്ചത്. കഴിഞ്ഞ രണ്ടിനാണ് വെടിവഴിപാട് കൗണ്ട൪ ജീവനക്കാരനായ ഇലന്തൂ൪ സ്വദേശിയായ ശശിക്ക് (45) പൊള്ളലേറ്റത്. കഴിഞ്ഞ ദിവസം എരുമേലിയിലെത്തിയ ചീഫ് വിപ്പ് പി. സി.ജോ൪ജ് ഇടപെട്ടാണ് ശശിക്ക് വിദഗ്ധ ചികിത്സ ലഭ്യമാക്കിയത്. ഇതിന് ശേഷം കരാറുകാരനും നാട്ടുകാരുമായി ബഹളം ഉണ്ടായിരുന്നു. ഇതേതുട൪ന്ന് കരാറുകാരൻ കരുനാഗപ്പള്ളി സ്വദേശി പൊന്നൻ കൗണ്ട൪ അടച്ചുപൂട്ടുകയായിരുന്നു.
സ്ഫോടകവസ്തു നിബന്ധനകൾ പാലിക്കാത്തതിന് ഇയാൾക്കെതിരെ പൊലീസ് കേസെടുത്തു.