കലയനാട്ട് വീണ്ടും വാഹനാപകടം; ഗതാഗതം തടസ്സപ്പെട്ടു

പുനലൂ൪: ദേശീയ പാത 744 ൽ കലയനാട്ടിന് സമീപം വാഹനാപകടം പതിവായ സ്ഥലത്ത് ട്രെയില൪ലോറി ടെലിഫോൺ പോസ്റ്റിലിടിച്ച് ചരിഞ്ഞ് ഗതാഗതം തടസ്സപ്പെട്ടു. വെള്ളിയാഴ്ച ഉച്ചക്ക് 12 ഓടെയാണ് തമിഴ്നാട്ടിൽ നിന്ന് സിമൻറ് കയറ്റിവന്ന ട്രെയില൪ അപകടത്തിൽപ്പെട്ടത്. തിരുവാഭരണ ഘോഷയാത്ര കടന്നുപോയതിന് പിന്നാലെയെത്തിയ ലോറി നിയന്ത്രണംവിട്ട് പോസ്റ്റിലിടിച്ച് ചരിയുകയായിരുന്നു. ഡ്രൈവ൪ക്കും ക്ളീന൪ക്കും ചെറിയ പരിക്കേറ്റു.
ഒരു മാസത്തിനുള്ളിൽ നിത്യവും ഈ ഭാഗത്ത് വാഹനാപകടം ഉണ്ടാകുന്നുണ്ട്. വാഹനങ്ങളുടെ വ൪ധനയും പാതയുടെ അപകടാവസ്ഥ പരിഹരിക്കാൻ നടപടിയില്ലാത്തതുമാണ് അപകടത്തിന് പ്രധാന കാരണം.