ആഹാരം വൈകിയെന്നാരോപിച്ച് ഹോട്ടലില്‍ അക്രമം

പേരൂ൪ക്കട: ഹോട്ടലിൽ ആഹാരം നൽകാൻ വൈകിയെന്നാരോപിച്ച് യുവാവ് അക്രമാസക്തനായി. അടിപിടിയിൽ ഒരാൾക്ക് പരിക്ക്. പേരൂ൪ക്കട ലോ അക്കാദമിക്ക് സമീപം പ്രവ൪ത്തിക്കുന്ന ഹോട്ടലിൽ വെള്ളിയാഴ്ച വൈകുന്നേരം ആറോടെയായിരുന്നു സംഭവം.
കുടപ്പനക്കുന്ന് സ്വദേശി സിജി (21)ക്ക് ആഹാരം നൽകാൻ വൈകിയെന്നാരോപിച്ച് പാത്രങ്ങൾ തക൪ക്കുകയും ജഗെടുത്ത് മറ്റൊരാളെ എറിയുകയുമായിരുന്നത്രെ. ഏറുകൊണ്ടയാളും സിജിയുമായി അടിപിടിയുണ്ടായി. കടയിൽ നിന്ന് പണം കവരാനും സിജി ശ്രമിച്ചതായും ഹോട്ടലുടമ പറഞ്ഞു. പേരൂ൪ക്കട പൊലീസ് കേസെടുത്തു. പരിക്കേറ്റയാളെ മെഡിക്കൽ കോളജിൽ പ്രവേശിപ്പിച്ചു.