മക്കളെ ലൈംഗികമായി പീഡിപ്പിച്ചെന്ന പരാതിയില്‍ പിതാവിനെ അറസ്റ്റ് ചെയ്തു

കൊടുവള്ളി: പത്തു വയസ്സുകാരിയായ മകളെയും ആറു വയസ്സുകാരനായ മകനെയും പിതാവ് ലൈംഗികമായി പീഡിപ്പിച്ചുവെന്ന മാതാവിൻെറ പരാതിയിൽ പിതാവിനെ കൊടുവള്ളി പൊലീസ് അറസ്റ്റ് ചെയ്തു. കൊടുവള്ളിക്കടുത്ത പാലക്കുറ്റി ആമിയാംപൊയിൽ അക്കര കരമ്മൽ അബ്ദുറസാഖിനെയാണ് (44) അറസ്റ്റ് ചെയ്തത്. ഇയാൾ മക്കളെ ലൈംഗികമായി പീഡിപ്പിക്കുന്നതായി കാണിച്ച് ഭാര്യ കഴിഞ്ഞദിവസമാണ് പൊലീസിൽ പരാതിപ്പെട്ടത്. പ്രതിയെ ശനിയാഴ്ച കോടതിയിൽ ഹാജരാക്കും.