ലക്ഷങ്ങള്‍വെച്ച് ചീട്ടുകളി: പത്തംഗ സംഘം പിടിയില്‍

കൊട്ടിയം: കൊട്ടിയം ജങ്ഷനടുത്തുള്ള ഒരു വീട് കേന്ദ്രീകരിച്ച് ലക്ഷങ്ങൾവെച്ച് ചൂതുകളി നടത്തിക്കൊണ്ടിരുന്ന പത്തംഗ സംഘത്തെ കൊട്ടിയം പൊലീസ് പിടികൂടി. ഇവരിൽനിന്ന് രണ്ടേകാൽ ലക്ഷത്തിലധികം രൂപയും രണ്ട് കാറും നാല് ബൈക്കുകളും പിടികൂടി.
പള്ളിമുക്ക് സ്വദേശി ഹസൻകുഞ്ഞ് (48), മുള്ളുവിള സ്വദേശി അബ്ദുൽറഹിം (58), വാഴപ്പള്ളി സ്വദേശി ബിജു (34), മയ്യനാട് വടക്കുംകര കിഴക്ക് സാബു (28), വടക്കേവിള സ്വദേശി അശോകൻ (50), അബ്ദുൽസലാം (58), സിറാജുദ്ദീൻ (50) എന്നിവരാണ് പിടിയിലായത്. വ്യാഴാഴ്ച രാത്രി കൊട്ടിയം എസ്.ഐ ഫിറോസിൻെറ നേതൃത്വത്തിലുള്ള സംഘമാണ് പുഞ്ചിരിച്ചിറയിലുള്ള വീട്ടിൽനിന്ന് ഇവരെ അറസ്റ്റ് ചെയ്തത്.