ഡ്രൈനേജ് ശുചീകരണം പാതിവഴിയില്‍; ജനം വലയുന്നു

മണ്ണാ൪ക്കാട്: നഗരത്തിലെ ഡ്രൈനേജ് ശുചീകരണം പാതിവഴിയിൽ നിലച്ചത് ജനങ്ങൾക്ക് ദുരിതമായി.
നഗരത്തിലെ ടിപ്പു സുൽത്താൻ ജങ്ഷൻ മുതൽ തമ്പുരാട്ടി ജങ്ഷൻ വരെയുള്ള ഭാഗത്ത് ഡ്രൈനേജിലെ ചളി നീക്കാൻ പഞ്ചായത്താണ് പണിയാരംഭിച്ചത്. സ്ളാബുകൾ നീക്കി മാലിന്യം പുറത്തിട്ടെങ്കിലും അത് പൂ൪ണമായി റോഡരികിൽ നിന്ന് മാറ്റാനോ ഡ്രൈനേജ് മൂടാനോ നടപടിയില്ലാത്തതാണ് പ്രശ്നം.
ഡ്രൈനേജ് പൊളിച്ചപ്പോഴാണ് വശങ്ങളിൽ കെട്ടില്ലാത്തത് ശ്രദ്ധയിൽപ്പെട്ടതെന്നും, വശങ്ങൾ കെട്ടി പണി പൂ൪ത്തിയാക്കണമെങ്കിൽ ദേശീയപാത വിഭാഗത്തിൻെറ അനുമതി വേണമെന്നും ഇതിനാലാണ് പണി പാതി വഴിയിലാകാൻ കാരണമെന്നുമാണ് മണ്ണാ൪ക്കാട് പഞ്ചായത്തധികൃതരുടെ വിശദീകരണം.