സുലൈമാന്‍ വധം: നാലുപേര്‍ അറസ്റ്റില്‍

മംഗലാപുരം: കാ൪ക്കള താലൂക്കിലെ ബംഗ്ളഗുഡെയിലെ സുലൈമാനെ കൊലപ്പെടുത്തിയ കേസിൽ നാലുപേരെ അന്വേഷണസംഘം പഡുബിദ്രിയിൽ വെച്ച് അറസ്റ്റ് ചെയ്തു. പ്രവീൺ കുലാൽ, വിശ്വനാഥ് എന്ന വിശ്വ, ശിവരാജ് എന്ന ശിവു, സോമനാഥ് എന്ന സോമു എന്നിവരാണ് അറസ്റ്റിലായത്. സംഘത്തിലെ സ്ത്രീ ഉൾപ്പെടെ രണ്ടു പ്രതികൾ ഒളിവിലാണ്. കാ൪ക്കള താലൂക്കിലെ മൂഡുബെല്ല-കാ൪ക്കള റോഡിലെ പള്ളിയിലെ മഹാലിംഗേശ്വര ക്ഷേത്രത്തിനു സമീപത്തായിരുന്നു കഴിഞ്ഞ ശനിയാഴ്ച സുലൈമാനെ കാറിലെത്തിയ അജ്ഞാതസംഘം വെടിവെച്ചും വെട്ടിയും കൊലപ്പെടുത്തിയത്. മൂന്ന് കൊലപാതകം ഉൾപ്പെടെ നിരവധി ക്രിമിനൽ കേസുകളിൽ പ്രതിയായിരുന്നു ഇയാൾ. ഗുണ്ടാസംഘങ്ങൾ തമ്മിലുള്ള കുടിപ്പകയാണ് കൊലപാതകത്തിന് പിന്നിലെന്നാണ് സൂചന.