കാറിടിച്ച് ദമ്പതികള്‍ മരിച്ചു

അങ്കമാലി: മരണാനന്തര ചടങ്ങിൽ പങ്കെടുത്ത് സ്കൂട്ടറിൽ മടങ്ങുകയായിരുന്ന ദമ്പതികൾ കാറിടിച്ച് മരിച്ചു. അങ്കമാലി കറുകുറ്റി പൂതംകുറ്റി ചെറുപറമ്പിൽ മാധവൻ (69), ഭാര്യ ലീല (63) എന്നിവരാണ് മരിച്ചത്. ബുധനാഴ്ച വൈകിട്ട് മൂന്നേകാലിന് അങ്കമാലിയിലായിരുന്നു സംഭവം.

ഇടിയുടെ ആഘാതത്തിൽ ഗുരുതരമായി പരിക്കേറ്റ ഇവരെ ലിറ്റിൽ ഫ്ലവ൪ ആശുപത്രിയിൽ പ്രവേശിപ്പിച്ചിരുന്നു. മൂന്നു മണിക്കൂറിന് ശേഷം ആശുപത്രിയിലാണ് ലീല മരിച്ചത്. പരിക്ക് ഗുരുതരമായതിനാൽ എറണാകുളത്തെ മെഡിക്കൽ സെന്ററിലേക്ക് കൊണ്ടുപോയ മാധവൻ ആശുപത്രിയിലെത്തിച്ച് പതിനഞ്ച് മിനിട്ട് കഴിഞ്ഞാണ് മരിച്ചത്.